Manuel Jesús González González (24 de marzu de 1941, Samartín del Rei Aurelio – 21 de setiembre de 2011) foi un economista y políticu español, académicu de la Real Academia de la Historia.
Biografía
Pertenecía a una familia de pequeños empresarios y estudió colos xesuites de Xixón. Llicencióse en ciencies económiques na Universidá Complutense de Madrid y aprobó les oposiciones de Téunicu Comercial y Economista del Estáu. Destináu a trabayar nos Planes de desenvolvimientu de la dómina a les órdenes de Fabià Estapé. La so amistá ya influencia de Pedro Schwartz, inclináron-y escontra la docencia: doctoróse[3] y ganó por oposición la cátedra d'Historia de les Doctrines Económiques na Complutense madrilana, que camudó dempués pola cátedra d'Historia del Pensamientu Económicu na Universidá a Distancia.[3]
Políticamente militó primeramente na Mocedá Obrera Cristiana, y simpatizó col Partíu Socialista Obreru Español (PSOE).[3] Dempués ingresó a la Unión Lliberal de Pedro Schwartz, de la que foi vicesecretariu xeneral. Foi Secretariu d'Estáu d'Universidaes, Investigación y Desenvolvimientu, nel Ministeriu d'Educación y Cultura, mientres el periodu 1997-1999, primer mandatu como presidente del Gobiernu de José María Aznar. En 2003 foi comisariu de la Esposición Campumanes y el so tiempu ya ingresó como académicu a la Real Academia de la Historia.[4] El 28 d'abril de 2005 foi nomáu presidente de la Cámara de Cuentes de la Comunidá de Madrid.[5]
Tamién foi miembru habitual del xuráu de Ciencies Sociales de los Premiu Princesa d'Asturies. Recibió'l premiu Llibre Empresa de la Fundación del Pinu, el premiu de Periodismu 2007 de El Corréu y la Gran Cruz de la Orde de Sabela la Católica.
Obres
- La economía política del franquismu (Tecnos, Madrid, 1979).
- La Universidá del sieglu XXI: llibertá, competencia y calidá (Madrid, Círculu d'Empresarios, 1999)
Referencies
