Manuel Atienza Rodríguez

Manuel Atienza Rodríguez
Vida
Nacimientu Uviéu[1], 1951[1] (73/74 años)
Nacionalidá España
Estudios
Estudios Universidá d'Uviéu
Universidá Autónoma de Madrid
Llingües falaes castellanu[2]
Oficiu profesor universitariu, xurista, filósofu del derechu
Emplegadores Universidá d'Alacant
Premios
Cambiar los datos en Wikidata

Manuel Atienza (1951, Uviéu) ye un filósofu del derechu, xurista y profesor universitariu asturianu.

Biografía

Llicencióse en Derechu na Universidá d'Uviéu en 1973 y darréu llogró'l títulu de doctor en Derechu pola mesma universidá (1976) con una tesis sobre la filosofía del derechu n'Arxentina so la dirección d'Elías Díaz. Desempeñóse nel ámbitu académicu y foi profesor y conferenciante de munches universidaes de tol mundu, tamién en tribunales y escueles xudiciales. Amás d'Elías Díaz, reconoció públicamente que na so formación y obra influyeron dafechu Juan Ramón Capella, Felipe González-Vicén, Javier Mugüerza y Gustavo Bueno, n'España; Carlos Santiago Nino, Ernesto Garzón Valdés, Genaro Carrió, Carlos Alchourrón, Eugenio Bulygin, Roberto Vernengo y Ricardo Gibourg, n'Arxentina; Renato Treves, n'Italia; y Robert S. Summers, n'Estaos Xuníos.[3]

Ocupación

Manuel Atienza ye caderalgu de Filosofía del Derechu de la Universidá d'Alicante dende 1982, onde ye amás direutor de la revista Doxa-Cuadernos de Filosofía del Derecho y del máster n'argumentación xurídica.[4] Antes de llegar a la Universidá d'Alicante foi profesor nes universidaes Autónoma de Madrid y de Valencia, y tamién na Academia Europea de Teoría del Derechu. Amás, dictó numberosos seminarios, cursos de maestría y doctoráu en distintes universidaes y foi profesor visitante na Universidá de Buenos Aires, n'Arxentina y Cornell University, n'Estaos Xuníos.

Foi vicepresidente de l'Asociación Internacional de Filosofía Xurídica y Social (IVR) y foi director de más de venti tesis doctorales.

Referencies

  1. ↑ 1,0 1,1 Afirmao en: OPAC SBN. Identificador SBN: TO0V052928. Apaez como: Atienza, Manuel. Data de consulta: 8 xineru 2023. Llingua de la obra o nome: italianu.
  2. ↑ Identificador CONOR.SI: 64716387. Afirmao en: CONOR.SI.
  3. ↑ https://www.researchgate.net/publication/335665187_Ars_iusphilosophica_Entrevista_a_Manuel_Atienza_-_Ars_iusphilosophica_An_interview_with_Manuel_Atienza
  4. ↑ «Doxa - Filosofía del Derecho» (castellanu). Consultáu'l 11 de payares de 2015.

Enllaces esternos