Luis Fernández-Vega Diego (30 de xineru de 1923, Uviéu – 22 d'agostu de 2010, Uviéu)[2][3][4] foi un oftalmólogu asturianu.
Biografía
Estudió na Facultá de Medicina de San Carlos de Madrid, llicenciándose en 1946.[5] Trabayó de volao nel consultoriu oftalmolóxicu de la familia tanto'l so padre como'l so güelu exercíen dicha oficiu— pa darréu movese a Londres, siguiendo la so formación nel Moorfields Eye Hospital. Remató los sos estudios en Nueva York gracies a una beca concedida pol doctor Ramón Castroviejo, con quien collaboró na creación del Institutu d'Investigaciones Oftalmolóxiques Castroviejo y la de l'Asociación de Becarios del Castroviejo.
Fernández-Vega Diego foi unu de los mayores impulsores del Institutu Oftalmolóxicu Fernández-Vega, qu'en 2010 tien una superficie de 10 50010 500 metros cuadraos y que recibe añalmente a 100 000100 000 pacientes.
Fíu de Luis Fernández-Vega Valvidares (30 de marzu de 1890-23 d'abril de 1980) y Elena Diego Somonte Barral (1898-1 de setiembre de 1994), tuvo tres hermanos: Álvaro (1924), Manuel y Elena (1921-14 de marzu de 1993). Casóse con Teresa Sanz Moliner, con quien tuvo dos fíos: Luis y Maite Fernández-Vega Sanz.
Distinciones
Ente les reconocencies que llogró a lo llargo de la so trayeutoria profesional pueden citase los siguientes:
- 1994, Medaya d'Oru del Centru Asturianu de Madrid.
- 1996, Medaya de Plata del Principáu d'Asturies
- 1997, Cruz de Plata de la Guardia Civil.
- 1997, Fíu Predilectu de la Ciudá d'Uviéu.[6]
- 2001, Gran Cruz del Méritu Humanitariu de la Xeneralidá de Cataluña.
- 2001, Premiu Europa.
- 2002, Medaya d'Oru al Méritu nel Trabayu.
- 2003, Medaya d'Oru de la Ciudá d'Uviéu, xunto col so hermanu Álvaro.[7]
- 2006, Cruz Pro Ecclesia et Pontifice dada pol papa Benitu XVI.
Referencies
Enllaces esternos
