Louis Henry Sullivan (3 de setiembre de 1856, Boston – 14 d'abril de 1924, Chicago) foi un arquiteutu d'Estaos Xuníos de la Escuela de Chicago (1870-1893). Formó sociedá con Dankmar Adler y empezó una corriente que va ser la base de l'arquiteutura moderna. Nel so Auditorium Building, de Chicago, tien el so estudiu y ellí empiézase a xestar la talentosa carrera de Frank Lloyd Wright.
Escuela de Chicago
La escuela de Chicago surde dempués de la quema de 1871 qu'afara la ciudá. Chicago yera una ciudá floreciente na que la especulación faía alzar los precios de los terrenes descomanadamente. Podría dicise entós que los edificios comerciales n'altor surdieron arriendes de la presión de los precios del suelu. Pero un edificiu d'oficines nun podía superar l'altor impuestu poles escaleres ensin un mediu de tresporte vertical. Esta presión actuó sobre'l celebru de los inxenieros mecánicos, que cola so imaxinación dieron vida al ascensor.
Sicasí los materiales que s'utilizaben pa la construcción de los edificios fixo qu'apaeciera un nuevu tope pal altor. Los murios cada vegada más gruesos ocupaben na planta baxa y nos pisos un espaciu de preciu cada vegada más altu.
Asina que la idea de qu'una estructura d'aceru con proteición contra quemes dexó a los especuladores de les cortiles edificar hasta l'altor óptima: "l'ascensor dobló l'altor de los edificios y la estructura d'aceru doblólo de nuevu".
Ver más
Referencies
Enllaces esternos
