Les llingües lenmichíes ye una agrupación xenealóxica de llingües indíxenes del Área Entemedia. La denominación foi propuesta pol llingüista costarricense Adolfo Constenla, quien llogró probar per mediu del métodu comparativu el parentescu ente los siguientes trés grupos de llingües d'esta rexón:
El microfilo lenmichí tuvo d'empecipiar el so procesu de fragmentación a empiezos del octavu mileniu antes de Cristu, mientres el periodu de los cazadores pañadores. Les llingües lencas y les misumalpas dixebráronse cerca del 5000 e.C., ente que la paya esprender del tueru de les demás llingües chibchas aproximao nel 4500 e. C.
La rellación ente estes llingües y otres munches de la rexón fuera propuesta por Walter Lehmann en 1920, anque ensin dar nicios convincentes. La hipótesis, sicasí, goció de popularidá, y foi siguida por llingüistes como Morris Swadesh y Joseph Greenberg, quien, per otru llau, nun apurrieron nicios llingüísticos suficientes pa probar el parentescu, en favor del so hipótesis macro-chibcha.
Nel 2002, Adolfo Constenla apurrió datos fidedignos que comprobaron de forma definitiva que la familia lenca taba emparentada coles llingües misumalpas. Dos años dempués, publicó los datos qu'acrediten que les llingües chibchas tán emparentaes coles anteriores. Amás, reconstruyó de forma parcial el sistema fonolóxicu del antepasáu común y realizó un cálculu lexicoestadístico de la so separación temporal.
Descripción llingüística
Fonoloxía
Vocales
Constenla (2005) reconstrúi un sistema fonolóxicu pal protolenmichí formáu pol siguiente sistema vocálicu:
