Larisa Oleynik (7 de xunu de 1981, Santa Clara) ye una actriz d'Estaos Xuníos.
Biografía
Larisa Romanovna Oleynik nació nel condáu de Santa Bárbara, California. Ye fía única de Lorraine Allen (ex enfermera) y del rusu Roman Oleynik (anestesiólogo)
Empezó la so carrera como actriz a los ocho años d'edá, cuando vio un anunciu nun diariu local, onde se daba una audición a neños pa un papel nuna obra de teatru. Ella llogró'l papel de la nueva Cosette na Obra "Los Miserables". Depués empezó a tomar lleiciones d'actuación y contratáron-y un axente por que-y consiguiera audiciones y papeles, pa da-y continuidá na disciplina.
En 1993, tuvo'l so primer papel en televisión na entós popular serie Dr. Quinn, Medicine Woman ("Dr. Quinn, medicine woman") que pudo trate n'España y en dellos países de Llatinoamérica. Esi mesmu añu participó del filme pa televisión "River o f Rage: the taken of Maggie Keen"
Alex Mack
En 1994 consiguió'l papel principal na serie "El Mundo Secretu d'Alex Mack" ente dellos cientos d'otros neños actores, anque nunca quedó claru si'l casting yera solu pa neñes, o neños de dambos sexos, pa depués afaer el nome d'Alex Mack al neñu que fuera escoyíu.
La serie cuntaba les aventures de Alexandra Mack, una neña que contrái poderes telekinéticos, dempués d'un accidente con un químicu esperimental.
El show empezó l'ocho d'ochobre de 1994 y remató cuatro temporaes más tarde como unu de los trés shows más esitosos na hestoria de la cadena Nickelodeon. Ye nesi tiempu cuando Larisa convirtióse nuna de les adolescentes más populares de Norteamérica. Llegó a tener una columna de conseyos na revista "Tiger Beat", y apaeció en delles tapes de la popular revista "TV guide", amás de ser poster central en delles revistes p'adolescentes.
En 1995 mientres protagonizaba (Y.M.S.A.M), co-protagonizó xunto a Rachael Leigh-Cook el filme "the baby sitters club" (El Club de les Neñeres), que tuvo un respetable ésitu comercial.
En 1997 protagonizó un anunciu de servicios d'internet de AT&T, que resultó un clásicu y dio-y popularidá. L'anunciu llamóse "Walking after midnight"
Dempués d'Alex Mack
En 1999, personificó a Bianca Stratford nel filme "Ten Things I hate About You" (Diez cuesas qu'odiu de ti), una adautación de "La fierecilla domada" de William Shakespeare. El filme foi un ésitu y significó la presentación na pantalla pa Heath Ledger y Julia Stiles.
Esi mesmu añu, participó de 14 episodios de la teleserie "3rd Rock from the Sun" (Coses de marcianos) personificando a Alissa Strudwick, la fía del rival personal de Dick Solomon.
En 2000, participó del filme "100 girls" (Cien chiques, o Una en cien) y protagonizó el filme "A time for dancing" (Un momentu pa baillar). Nenguna d'eses películes foi presentada en cines, siendo namái editaes en video.
Universidá Sarah Lawrence
A partir de 2001, Larisa asistió a la universidá con orientación artística Sarah Lawrence por tiempu completu, y namái participó nos recesos, de filmes de baxu presupuestu y de un episodiu de la esitosa serie de Fox "Malcolm in the Middle" como actriz convidada.
Ye a partir del añu 2004, cuando Larisa volvería dedicase tiempu completu a l'actuación.
Filmografía/Apaiciones
Referencies
Enllaces esternos
_(cropped1).jpg)
