Kami Cotler (17 de xunu de 1965, Long Beach) ye una actriz y profesora estauxunidense, más conocida por faer de Elizabeth Walton na serie The Waltons, con Ralph Waite y Michael Learned.
Biografía
Nacida en Long Beach (California), en 1965. Asistió a la Universidá de California en Berkeley onde llogró un títulu de ciencies sociales.[2] El so primer trabayu como profesora foi nuna zona rural en Virxinia, bien paecida a la qu'asistió en The Waltons.
Cotler tornó a california en 2001 y trabayó como profesora de novenu grau na Environmental Charter High School. En 2004, Cotler aceptó'l trabayu como codireutora de la Ocean Charter School, un cargu qu'ocupó hasta 2007 cuando empezó'l so propiu negociu de consultoría educativa. Anguaño ye la principal fundadora de la Environmental Charter Middle School, un centru d'educación nel sur del Condáu de Los Angeles, California.[3] Cotler ye miembru de la xunta anterior de l'American Montessori School.
Amás d'educadora, Cotler dirixó la so propia empresa de viaxes y tien un café en San Francisco. Repitió delles vegaes el so personaxe Elizabeth Walton, en delles películes de la serie The Waltons. Fixo discursos y apaiciones personales. En 2010, Cotler foi vista nuna xunta de The Waltons. Ta casada y tien 2 fíos.
Filmografía
Referencies
Enllaces esternos
