| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|José Manuel Campa}} ~~~~ |
José Manuel Campa Fernández (20 de xunetu de 1964, Uviéu) ye un economista español.
Biografía
Ye llicenciáu[¿cuándo?] en Derechu y en Ciencies Económiques pola Universidá d'Uviéu y doctoráu[¿cuándo?] na Universidá de Harvard.
Foi secretariu d'Estáu d'Economía nel Ministeriu d'Economía y Facienda d'España dende'l 14 de mayu de 2009 hasta'l 23 d'avientu de 2011.
Hasta la fecha del so nomamientu como secretariu d'Estáu, yera profesor de finances y direutor d'investigación del IESE Business School de la Universidá de Navarra, cargu que dexó temporalmente. Foi Consultor del Bancu Mundial, del Fondu Monetariu Internacional, del Bancu Interamericano de Desenvolvimientu, del Bancu de la Reserva Federal de Nueva York, del Bancu de Pagos Internacionales de Basilea, de la Comisión Europea y del Serviciu d'Estudios del Bancu d'España.
Tamién exerció como profesor na Universidá de Harvard, na Universidá de Columbia, na Stern School of Business, y na Universidá Complutense de Madrid. Foi Research Associate nel National Bureau of Economic Research, y Research Fellow nel Center for Economic Policy Research. Tamién exerció como peritu empresarial pa la xusticia española, la Corte Española d'Arbitraxe, y les Cortes internacionales d'Arbitraxe de París, Xinebra, Nueva York y Holanda.
Foi miembru del grupu d'espertos de la Comisión Europea pal informe sobre reformes estructurales en banca (Informe Liikanen).
En 2014 foi nomáu direutor de Rellaciones con Inversores y Analistes del Banco Santander. Sigue dando clases nel IESE Business School como profesor collaborador esternu.[3]
Referencies
Enllaces esternos
- Esti artículu incorpora testos del portal del Ministeriu d'Economía y Facienda d'España que autoriza la reproducción total o parcial de los conteníos del Portal, siempres que se cite espresamente'l so orixe.