José Luis Martínez-Almeida Navasqüés (17 d'abril de 1975, Madrid)[6][7] ye un abogáu y políticu español del Partíu Popular qu'anguaño sirve como Alcalde de la Ciudá de Madrid dende'l 15 de xunu de 2019. Ye conceyal del Ayuntamientu de Madrid dende'l 13 de xunu de 2015.
Biografía
Ñacíu en Madrid el 17 d'abril de 1975, llicencióse en derechu pola Universidá Pontificia Comillas. Nel añu 2001 ingresó por oposición nel cuerpu d'abogaos del Estáu.
Foi direutor xeneral de Patrimoniu Históricu de la Comunidá de Madrid ente 2007 y 2011 añu nel que se convirtió en secretariu del Conseyu de Gobiernu de la Comunidá de Madrid con Esperanza Aguirre.
En 2013 dexa'l cargu y s'incorpora a la Secretaría Xeneral y del Conseyu de la empresa pública SEPIDES. (Sociedá Estatal de Participaciones Industriales y Desenvolvimientu Empresarial) como secretariu de la división xurídica hasta 2015.
Nes eleiciones autonómiques y municipales de 2015 foi candidatu númberu 3 de la llista del Partíu Popular (PP) encabezada por Esperanza Aguirre.
En 2017 foi escoyíu p'asoceder a Esperanza Aguirre como voceru del grupu municipal popular nel plenu del Conceyu de Madrid.
En xunetu de 2018 foi incluyíu nel Comité Executivu Nacional del PP constituyíu tres la llegada a la presidencia del partíu de Pablo Casado, na responsabilidá de secretariu de Participación.
En xineru de 2019 conocióse la decisión de Pablo Casado Blanco d'escoyer a Martínez-Almeida como candidatu del PP a l'alcaldía de Madrid. Foi escoyíu alcalde'l 15 de xunu de 2019 colos sofitos de Ciudadanos y Vox.
Referencies
Enllaces esternos
.jpg)
