José Andrés Gutiérrez Alonso

José Andrés Gutiérrez Alonso
Vida
Nacimientu Lluanco, 30 de payares de 1959
Muerte Uviéu, 11 de xunetu de 1994 (34 años)
Causa de la muerte accidente vascular cerebral
Oficiu pintor
Cambiar los datos en Wikidata

José Andrés Gutiérrez Alonso (30 de payares de 1959, Lluanco – 11 de xunetu de 1994, Uviéu) foi un pintor asturianu.

Biografía

Tuvo dende mozu afición a les artes plástiques. A la edá de 12 años presentóse al Certame Xuvenil d'Artes Plástiques, convocáu pola Delegación de la Mocedá d'Asturies, nel cual llogró'l tercer premiu de dibuxu.[1] Un añu dempués entamó clases de pintura y dibuxu con Vicente Santarúa col convencimientu d'estudiar Belles Artes. Foi nesi mesmu añu cuando se-y diagnosticó diabetes tipu 1.

En 1975, cuando tenía 15 años, superó les pruebes d'accesu a la Escuela de Belles Artes de San Carlos de Valencia. Compaxinó los sos estudios de Belles Artes colos de bachilleratu. Tamién nesi añu entamó a facer el Via Crucis de la Ilesia de San Nicolás de Bañugues.[2]

En 1979, n'acabando los sos estudios, tornó a Asturies y empezó una etapa d'esposiciones coleutives xunto con otros pintores de la so xeneración. En 1986 llogró'l tercer premiu nel Certame Nacional de la Pintura de Ḷḷuarca, en 1987 una mención d'honor y en 1990 algamó'l primer premiu y la Medaya d'Oru.

En 1994 sufrió un derrame cerebral que-y provocó la muerte.[3]

Premios

  • Medaya d'Oru del XXI Certame Nacional de Pintura de Ḷḷuarca (1990)

Referencies

  1. ↑ Gutiérrez Alonso, José Andrés (1995). José Andrés Gutiérrez Alonso. Caja de Asturias, Obra Social y Cultural. ISBN 84-7925-057-7. Consultáu'l 2021-02-26.
  2. ↑ Quirós, Gerardo Díaz (2009). «Iconografía de una pasión. El via crucis de José Andrés Gutiérrez Alonso para la parroquia de San Nicolás de Bañugues» (en castellanu). Liño (15). ISSN 2341-1139. https://reunido.uniovi.es/index.php/RAHA/article/view/244. Consultáu'l 2021-02-26. 
  3. ↑ Cuartas, Javier (1994-07-14) (en castellanu). José Andrés Gutiérrez, pintor. ISSN 1134-6582. https://elpais.com/diario/1994/07/15/agenda/774223204_850215.html. Consultáu'l 2021-02-26. 

Enllaces esternos