Jonathan Edward Bernthal (20 de setiembre de 1976, Washington DC), más conocíu como Jon Bernthal, ye un actor, actor de televisión, actor de cine y actor de teatru d'Estaos Xuníos. Ye conocíu polos sos papeles na serie de televisión The Walking Dead y na película The Wolf of Wall Street. Interpretó más de 30 obres rexonales y off-Broadway. Tamién apaeció en delles series como Law & Order: Criminal Intent (2002), The Class (2006-2007) y The Pacific (2010). En 2013 interpretó al Detective Joe Teague na serie Mob City (2013), tamién de Frank Darabont.
Primeros años
Jon nació y crióse en Washington D.C. Estudió en Sidwell Friends School y siguió na Escuela d'Arte Teatral, en Moscú, Rusia, onde tamién xugó al béisbol profesional na federación profesional europea de béisbol. Mientres taba en Moscú, foi reparáu por un direutor de la Universidá de Harvard, nel Teatru de Formación Avanzada nel Teatru Repertoriu Americanu y foi convidáu a llograr la so maestría ellí.
Carrera
Desque se graduó en 2002, actuó en más de 30 obres a nivel rexonal y fora de Broadway. Agora vive en Venice, California, col so perru, Boss. Protagonizó en The Class en CBS ente 2006 y 2007. En marzu de 2010, Bernthal llogró'l papel de Shane en The Walking Dead, l'adaptación en serie de televisión del cómic del mesmu nome que s'atopa so la direición de Frank Darabont.[3]
Filmografía
Películes
Televisión
Referencies
Enllaces esternos
