Joan Tetzel (21 de xunu de 1921, Nueva York – 31 d'ochobre de 1977, Fairwarp (en) 
) foi una actriz d'Estaos Xuníos.
Carrera cinematográfica
El so nome completu yera Joan Margaret Tetzel, y nació na ciudá de Nueva York.
Joan Tetzel ye famosa pol so incomparable interpretación nel filme d'Alfred Hitchcock The Paradine Case, encarnando a "Judy Flaquer", trabayando xunto a Charles Coburn, Ann Todd, Gregory Peck y Alida Valli.
Carrera televisiva
Trabayó con Alfred Hitchcock na serie televisiva Alfred Hitchcock Presents, interpretando a "Eve Ross" nel episodiu "Guest for Breakfast". Tamién llevó a cabo actuaciones en Thriller y Perry Mason.
Carrera teatral
Amás de pola so carrera cinematográfica, Joan Tetzel foi bien reconocida como actriz teatral. Trabayó na versión de 1940 de la obra Liliom, na producción orixinal pa la escena de I Remember Mama, ya interpretó a la Enfermera Ratched na obra One Flew Over the Cuckoo's Nest, representada en Broadway.
Vida personal
El so primer home foi'l productor radiofónicu John Y. Mosman. Dempués, en 1949, casóse col actor austriacu Oskar Homolka (1898 - 1978).
Joan Tetzel finó en 1977, na so casa en Fairwarp, Sussex, Inglaterra, a los 56 años d'edá, por causa de un cáncer. Foi soterrada na Ilesia Christ de de Fairwarp, Sussex Oriental, Inglaterra.
Notes
Referencies
- ↑ 1,0 1,1 Afirmao en: SNAC. Identificador SNAC Ark: w69f0p9d. Apaez como: Joan Tetzel. Data de consulta: 9 ochobre 2017. Llingua de la obra o nome: inglés.
Enllaces esternos
