Joan Lorring

Joan Lorring
Vida
Nacimientu Ḥong Kong británicu, 17 d'abril de 1926[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Sleepy Hollow, 30 de mayu de 2014[1] (88 años)
Causa de la muerte enfermedá
Estudios
Llingües falaes inglés
Oficiu actriz, actriz de cine, actriz de televisión, actriz de teatru
Premios
Nominaciones
IMDb nm0521156
Cambiar los datos en Wikidata

Joan Lorring (17 d'abril de 1926, Ḥong Kong británicu – 30 de mayu de 2014, Sleepy Hollow)[2][3] foi una actriz d'Estaos Xuníos.

Primeros años

Lorring, nacida como Madeline Ellis, fuxó de Ḥong Kong en 1939 cola so madre dempués de la invasión xaponesa. Les dos estableciéronse en San Francisco, California, onde la moza «Dellie» empezó a trabayar na radio.[4]

Carrera

El so primer papel nel cine (momentu nel que nel estudiu camudara'l so nome pol de «Joan Lorring») foi en Song of Russia en 1944. Fixo The Bridge of San Luis Rey el mesmu añu, y en 1945, apaeció xunto a Bette Davis en El trigu ta verde como Bessie Watty. Foi nomada pal Óscar a la meyor actriz de repartu pol so papel.

En 1950, Lorring apaeció en Broadway en Come Back, Little Sheba. Empezó a actuar en televisión, actuando en papeles protagónicos na telenovela Valiant Lady y la comedia de situación Norby. Tamién tuvo un pequeñu papel na novela Ryan's Hope de la década de 1970 enantes de retirase.

Vida personal

Lorring taba casada con Martin Sonenberg, endocrinólogu de Nueva York, hasta la so muerte'l 27 de xunu de 2011. La pareya tuvo dos fíos.[5]

Referencies

  1. ↑ 1,0 1,1 Afirmao en: Gemeinsame Normdatei. Identificador GND: 1061817091. Data de consulta: 17 ochobre 2015. Llingua de la obra o nome: alemán. Autor: Biblioteca Nacional d'Alemaña.
  2. ↑ «Joan Lorring, Oscar Nominated 'Corn Is Green' Actress, Dies at 88» (inglés). Variety (31 de mayu de 2014). Consultáu'l 1 de xunu de 2014.
  3. ↑ «Muerre a los 88 años l'actriz Joan Lorring». HoyCinema (1 de xunu de 2014). Consultáu'l 1 de xunu de 2014.
  4. ↑ «Perfil de Joan Lorring» (inglés). The New York Times. Consultáu'l 1 de xunu de 2014.
  5. ↑ "Martin Sonenberg" legacy.com

Enllaces esternos