Jayapura (Indonesiu: Kota Jayapura) ye la capital de la provincia de Papúa, Indonesia, na islla de Nueva Guinea. La so población ye de 413 283 hab. (2015)[2]
La ciudá ta asitiada na pequeña badea llamada Yos Sudarso (antes conocida como Badea Humboldt).
Historia
Dende 1910 hasta 1962 la ciudá yera conocida como Hollandia y yera la capital d'un distritu del mesmu nome, al nordeste de Nueva Guinea Occidental. La ciudá foi renombrada como Kota Baru nuna ceremonia de les Naciones Xuníes, el 1 de mayu de 1963.
La parte norte de la Nueva Guinea Holandesa taba ocupada poles fuercies del Imperiu Xaponés en 1942. Les fuercies Aliaes espulsaron a los xaponeses dempués d'una invasión anfibia a Hollandia, ente'l 21 y el 27 d'abril de 1944. L'área sirvió como cuartél pal Xeneral Douglas MacArthur que conquistó Filipines en marzu de 1945. Sobre venti bases norteamericanes estableciéronse y mediu millón d'estauxunidenses llegaron al área.
En 1945, los Países Baxos fixeron de Hollandia la capital de Nueva Guinea Holandesa. Dempués el territoriu pasó a manes de les Naciones Xuníes, el 1 d'ochobre de 1962, la ciudá pasó a ser conocida como, n'idioma indonesiu, Kota Baru, y retuvo el nome cuando Indonesia tomó'l control, el 1 de mayu de 1963. La ciudá foi renombrada, por un curtiu tiempu, como Sukarnopura, pol Presidente Sukarno, hasta'l final del añu 1968, cuando adquirió'l so nome actual. El significáu lliteral de Jayapura ye 'Ciudá de la Victoria' (Sánscritu jaya: "victories militar"; pura: "ciudá").
Referencies
Enllaces esternos
