Na actualidá, les Islles Salomón del Norte orixinales tán estremaes ente la Rexón Autónoma de Bougainville en Papúa Nueva Guinea y l'estáu independiente socesor del Protectoráu Británicu de les Islles Salomón qu'oficialmente ye conocíu como "Islla Salomón".
Historia
El 17 de febreru de 1568 l'archipiélagu foi afayáu pol esplorador español Álvaro de Mendaña y Neyra, quien les nomó Islles de Salomón.
Nel añu 1900, so los términos del Tratáu de Berlín (1899), Alemaña tresfirió les islles de Choiseul, Santa Isabel, les Shortlands y Ontong Java al Protectoráu Británicu de les Islles Salomón, pero retuvo Bougainville y les sos islles alredor. Alemaña concedió esta reclamación en cuenta de que los británicos abandonaren toa reclamación sobre Samoa.
Misiones
Coru de la Ilesia Xunida de la villa de Siwai, Bougainville, 1977.
La católica Prefactura Apostólica de les Islles Salomón del Norte foi establecida'l 23 de mayu de 1898, segregada del Vicariado Apostólicu de Nueva Pomerania, ya incluyó les islles d'Isabel, Choiseul, Bougainville, y toles isletas so protectoráu alemán.
En 1897 les islles fueron puestes so la xurisdicción de Mgr Broyer, Vicariu Apostólicu de Samoa, y en 1898 formaron una nueva prefeutura baxu Mgr Joseph Forestier, quien moraba en Kieta, na islla de Bougainville. La fiebre yera tan frecuente na misión que la mayoría de sacerdotes que fueron a la islla en 1898 fueron sacaos en camiya pola enfermedá.
En 1911 la misión contenía: 3 ilesies; 3 estaciones; 10 padres maristes; 5 hermanos llaicos; 7 hermanes de la Tercer Orde de María; 2 catequistes samoanos; 5 escueles católiques, con 140 alumnos; 2 orfanatos; y unos pocos centenares de católicos. Los misioneros maristes pertenecíen a la Provincia d'Oceanía, el superior de los cualos moraba en Sydney, Nueva Gales del Sur.
