Islla Lougheed tien una superficie de 1.308 km², lo que la convierte, por tamañu, na 15ª isla del archipiélagu y la (43ª de Canadá).
Historia
Islla Lougheed foi afayada en 1916 pol esplorador canadiense del árticu Vilhjalmur Stefansson, nes sos espediciones de 1913-18.
El 14 d'abril de 1993, Mediu Ambiente de Canadá revocó un permisu que se concediera a la Panarctic Oil Ltd. pa desfacese de 400 tonelaes de chatarra nel océanu frente a la islla de Lougheed. La decisión foi adoptada en respuesta a les esmoliciones espresaes polos residentes de los asentamientos de Grise Fiord, Resolute, Árticu Bay y Pond Inlet. En llugar de disponer del material nel mar, un proyeutu d'investigación empecipióse para evaluar l'impactu ambiental del almacenamientu de chatarra de metal na Islla de Lougheed.
En 1994, Larry Newitt de la «Geological Survey de Canadá» y Charles Barton de l' «Australian Geological Survey Organización», establecieron un observatoriu magnéticu temporal n'islla Lougheed, cerca de la posición prevista del Polu Norte magnéticu, con cuenta de controlar les fluctuaciones al curtiu plazu del campu magnético terrestre.
Mapa d'Islla Ellef Ringnes, con Islla Lougheed na parte inferior central.
