L'European Bioinformatics Institute (EBI) o Institutu Européu de Bioinformática ye un centru d'investigación en bioinformática ensin ánimu d'arriquecimientu asitiáu en Hinxton, Cambridge, Reinu Xuníu. Pertenez al European Molecular Biology Laboratory o EMBL (Llaboratoriu Européu de Bioloxía Molecular). Ye pioneru n'investigación bioinformática, apurriendo ferramientes pa la comprensión de los datos genómicos y proteómicos, alministrando bases de datos rellacionaes con ácidos nucleicos, proteínes y estructures macromoleculares.
Foi fundáu gracies a los fondos de los 20 estaos miembros del EMBL, amás de la Comisión Europea, Wellcome Trust, «US National Institutes of Health», «UK Research Councils», empreses del sector y el «Department of Trade and Industry» de Reinu Xuníu.
