La ilesia de San Xuan Apóstol y Evanxelista de Santianes, del conceyu asturianu de Pravia.
La ilesia construyóse nel sieglu VIII, por voluntá del Rei Silo, según indica la lápida fundacional del templu, y debió ser construida nel periodu comprendíu ente los años 774 y 783. El rei Silo treslladó la Corte dende Cangues d'Onís hasta Pravia, puntu d'alcuentru de varies calzaes romaneas, ente elles la que diba hasta Asturica Augusta. Considérase la ilesia más antigua d'Asturies, y formaba parte del complexu cortesanu que se completaba col palaciu real, anguaño totalmente desapaecíu, que se construyó nos alredores del templu, posiblemente sobre una edificación anterior. Ta considerada como una de les primeres obres del conocíu como prerrománicu asturianu o arte asturianu. Nel templu celebróse'l debate entre Beatu de Llébana y Elipanto de Toledo, sobre la interpretación adopcionista de la divinidá de Cristu.
Referencies
Enllaces esternos
