El sentinelés ye la llingua ensin atestiguar de los sentineleses, habitantes nativos de la islla Sentinel del Norte, una pequeña islla perteneciente al archipiélagu de les islles Andamán. Los sentineleses son un pueblu ensin contautar, nun conociéndose detalles sobre dicha llingua anque se presume qu'esta llingua pueda tar emparentada con otres llingües de les islles Andamán.
Políticamente la islla ta baxo xurisdicción de la India, y el so gobiernu trata de caltener protexíos a los nativos de la islla del mundu esterior. Ésta ye la razón pola cual la llingua ye desconocida, nun esistiendo siquier llistes de vocabulariu que dexen dalgún tipu de clasificación d'esta llingua. Dáu'l desconocimientu sobre esti pueblu nun hai estudios serios sobre la so llingua.
Anguaño, envalórase que namái queden 50 persones na islla. La pervivencia d'esti idioma sofitóse en base al aislamientu de les poblaciones que la falen y a la so hostilidá contra los foranos. Ye una de les poques llingües d'Andamán qu'entá nun venció al hindi.
Referencies
Enllaces esternos
