Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Homosexualidá y budismu}} ~~~~
Buda suel apaecer como una figura andróxina y asexuada, como nesta pintura nun monesteriu de Laos.
Ente los budistes esiste diversidá d'opinión sobre la homosexualidá. El budismu enseña que'l gocie sensual, el deséu polo xeneral y la sexualidá en particular son torgues p'atopar la llume (Nirvana). Les órdenes budistes contemporánees acepten la homosexualidá ente los llaicos, y l'ordenación de persones pertenecientes al coleutivu LGBT varia en función de la tradición.
Budismu n'occidente
En contraste con delles tradiciones del budismu asiáticu, el Budismu n'Occidente ta acomuñáu con polítiques d'igualdá social y llibertá del individuu, en parte como resultáu d'una gran clase media intelectual prauticante y los sos raigaños filosóficos na llibertá de pensamientu de la humanidá aconfesional.[1]
Al aplicar la filosofía budista a la homosexualidá, los budistes occidentales enfatizan la importancia que Buda daba a la tolerancia y la busca de respuestes n'unu mesmu. Buda faía fincapié nos valores esistentes na obra completa del budismu más que nel exame específicu de dellos pasaxes o testos. Como resultáu d'ello, el budismu occidental ye totalmente gay-friendly, especialmente dende la década de 1990. La interpretación de la conducta sexual errónea ye una decisión individual y nun puede tar suxeta a nenguna autoridá central, puntu de vista qu'acepta a la totalidá de la población. Dientro del coleutivu LGBT, persones como Issan Dorsey fueron ordenaes como monxos budistes.
L'estudiosu occidental Alexander Berzin propón un puntu de vista interesante. Los testos budistes tradicionales fueron escritos dende'l puntu de vista d'un home heterosexual. Si esploramos la intención d'estos testos sobre'l comportamientu sexual desaveniente, el so oxetivu final ye esaniciar l'apegu, deséu obsesivu ya insatisfaición. Si un home heterosexual nun ye capaz de contener les sos emociones alteriaes, podría tener sexu cola pareya d'otra persona o con otros homes. Podemos aplicar la mesma lóxica, y preguntar qué constitúi apegu, deséu obsesivu ya insatisfaición pa un home o una muyer homosexuales, o una persona bisexual. Por casu, tener sexu cola pareya d'otra persona, etc. seríen aiciones destructives pa estos tipos de persones tamién.[2]
