Los hermanos Grimm convirtiéronse nos primeros coleicionistes n'intentar caltener non yá la trama y los personaxes de los cuentos, sinón tamién l'estilu en que taben calteníos, al compilar cuentos de fades alemanes; irónicamente, anque la so primer edición (1812 y 1815) prevalez como una ayalga pa los folcloristes, dambos viéronse na necesidá de reescribir los cuentos n'ediciones posteriores pa volvelos más aceptables, daqué que los aseguró bones ventes y la consecutiva popularidá de los sos trabayos.
El trabayu de los hermanos Grimm influyó a otros coleicionistes, inspirándolos a escoyer cuentos y llevándolos a creer de manera asemeyada, con un espíritu de nacionalismu romántico, que los cuentos de fades d'un país yeren particularmente representativos d'ésti, hasta'l puntu de poner en dulda cualquier influencia cultural esterna nel so conteníu
