Helena Bonham Carter
Vida
Nacimientu	Londres, 26 de mayu de 1966[1] (58 años)
Nacionalidá	Reinu Xuníu
Residencia	Hampstead
Llingua materna	inglés británicu inglés
Familia
Padre	Raymond Bonham Carter
Madre	Elena Propper de Callejon
Pareyes	Kenneth Branagh Tim Burton
Fíos/es	Billy Burton[2] Nell Burton[2]
Hermanos/es	Edward Bonham Carter
Familia	ver Jane Bonham Carter, Baroness Bonham-Carter of Yarnbury (es) (primo hermano paterno (es) ) Raymond Asquith, 3rd Earl of Oxford and Asquith (es) (primo o prima de segundo grado (es) )
Pueblu	Bonham Carter family (en)
Estudios
Estudios	Westminster School (es) Bournville School (en) South Hampstead High School (en) Fine Arts College (en)
Llingües falaes	inglés británicu[3] inglés
Oficiu	actriz de cine, actriz de voz, actriz de teatru, actriz de televisión, actriz
Trabayos destacaos	The King's Speech The Wings of the Dove Charlie and the Chocolate Factory Corpse Bride Alicia en el país de las maravillas (es) Dark Shadows Cinderella (es) Wallace & Gromit: The Curse of the Were-Rabbit (es) Harry Potter (es) Sweeney Todd: The Demon Barber of Fleet Street Big Fish Ocean's 8 Les Misérables The Lone Ranger (es) Terminator Salvation Great Expectations Fight Club
Premios	ver Comendador de la Orde del Imperiu británicu Premios Satellite Premios Genie Britannia Awards Premios del Sindicatu d'Actores
Nominaciones	ver Óscar a la meyor actriz (1998): The Wings of the Dove[4] European Film Award – People's Choice Award for Best European Film (en) (2011): The King's Speech[5] Óscar a la meyor actriz de repartu (25 xineru 2011): The King's Speech
Creencies
Relixón	valor desconocíu
IMDb	nm0000307

Helena Bonham Carter, CBE^[6] (n. Londres, 26 de mayu de 1966) ye una actriz británica, ganadora del premiu BAFTA y nomada al Óscar en dos causes.

Fixo'l so debú como actriz nuna adautación pa televisión de A Pattern of Roses antes de llograr el so primer papel como protagonista en Lady Jane. Ye conocida polos sos papeles en películes como A Room With a View, Fight Club, The Wings of the Dove y The King's Speech (por estes dos últimes recibió nominaciones a los Óscar), y por interpretar a la villana Bellatrix Lestrange nes películes de Harry Potter. Tamién la conoz por participar con frecuencia nes películes del direutor Tim Burton, quien amás foi la so pareya. Dalgunes d'estes películes son: Planet of the Apes, Big Fish, Corpse Bride, Charlie y la fábrica de chocolate, Sweeney Todd, Alicia nel país de les maravíes, Solombres Tenebroses y El llaneru solitariu.

Helena Bonham Carter vien de una familia d'altu abolengu social en Gran Bretaña, siendo'l so padre Richard, banqueru y la so madre Elena, d'orixe español, psicoterapeuta. Dambos proxenitores sufrieron diverses enfermedaes cuando Helena yera entá una adolescente, el so padre quedó paralíticu^[7] y la so madre sufrió un colapsu nerviosu. Asistió al South Hampstead School y al Westminster School.

Ye bisnieta paterna del que foi primer ministru británicu H. H. Asquith y nieta materna del diplomáticu español Eduardo Propper de Caleyón, amás de ser la sobrina nieta del direutor Anthony Asquith.

Foi pareya del actor y direutor Kenneth Branagh ente 1994 y 1999, y foi tamién pareya de Tim Burton, al que conoció mientres el rodaxe de Planet of the Apes (2001) y col que tien dos fíos: Billy Ray (nacíu en 2003) y Nell (nacíu en 2007). El 23 d'avientu de 2014 anunció que se dixebraba de manera amistosa con Burton.^[8]

En 2012 foi nomada Comendadora de la Orde del Imperiu Británicu.

En debutando na televisión, Helena llogró l'estrellalgu a los 20 años gracies al so protagonismu en A Room With a View (1986), película debut dirixida por James Ivory, quien afaía un rellatu del escritor E. M. Forster. Darréu volvería participar en diverses adautaciones fílmicas de la obra d'esti lliteratu, como Onde los ánxeles nun s'aventuren (1991), de Charles Sturridge o Regresu a Howards End (1992), un títulu empobináu de nuevu por Ivory.

Pola so interpretación en The Wings of the Dove (1997), película d'Iain Softley qu'afaía una novela de Henry James, recibió una nominación al Globu d'Oru, siendo tamién candidata al premiu Óscar a la meyor actriz. Volvió tar nomada al Óscar, esta vegada na categoría d'Actriz de repartu pol so papel d'Isabel Bowes-Lyon, na película de Tom Hooper, The King's Speech (2010), que se centra na hestoria del rei Xurde VI del Reinu Xuníu y el so tartamudez.

Actriz polifacética, Helena ye considerada, amás de la so expareja, la musa de Tim Burton, quién-y dirixó en películes como Planet of the Apes (2001), Big Fish (2003),Charlie y la fábrica de chocolate (2005), Sweeney Todd (2007), Alicia nel país de les maravíes (2010) y Dark Shadows (2012); películes que se caracterizaron pola presencia de mundos imaxinarios onde suelen tar presentes elementos góticos y escuros.

Al marxe de les sos collaboraciones con Burton, Helena tamién ye conocida pola so carauterización de Bellatrix Lestrange, personaxe lliterariu de les noveles de Harry Potter, nel so quinta (2007), sesta (2009), séptima (2010) y octava (2011) entrega cinematográfica.

Premiu Óscar

Premiu Globu d'Oru

Premios BAFTA

British Independent Film Awards

Premios Primetime Emmy

Premios Emmy Internacional

Premios del Sindicatu d'Actores

Premios Saturn

Premios Empire

Tokyo International Film Festival

Premios Britannia