El so nome completu yera Helen Louise Gardner, y nació en Binghamton, Nueva York. Alumna de l'American Academy of Dramatic Arts, Gardner empecipió la so carrera artística como actriz teatral. En 1911 pasó a formar parte del repartu de Vitagraph Studios, consiguiendo l'aplausu de la crítica pol so papel de Becky Sharp nel filme Vanity Fair.[2] En 1912 foi la primer intérprete cinematográfica que formó una productora propia,[3]Helen Gardner Picture Players, con base en Tappan (Nueva York) y con capital facilitáu pola so madre.[2] Hasta entós nengún otru actor o actriz fundara una compañía de producción.[4] Gardner contrató a la so pareya sentimental, Charles L. Gaskill, como direutor y guionista, produciendo once llargumetraxes enantes de cerrar el so estudiu en 1914.[3] En 1915 volvió a Vitagraph, anque se retiró al poco tiempu, actuando a partir d'entós de manera ocasional y en papeles de curtia duración.
Gardner foi conocida poles sos interpretaciones de personaxes femeninos de fuerte personalidá. La so primer producción foi Cleopatra (1912), unu de los primeros llargumetraxes estauxunidenses.[5] L'actriz foi considerada la primer muyer fatal del cine, precediendo a Theda Bara, Valeska Suratt y Louise Glaum en papeles d'esi tipu.[6] A lo llargo de la so carrera como actriz, ente 1910 y 1924, trabayó nun total de 55 filmes.
A los 8 años d'edá, el 16 d'ochobre de 1902, Gardner casóse col empresariu Duncan Clarkson Pell, Sr. en West Haven (Connecticut).[7] Tuvieron un fíu.[8][9][10]
Delles fontes afirmen que Gardner casóse en segundes nupcies con Charles Gaskill, direutor de munches de les sos películes, pero la nieta y biógrafa de Gardner, Dorin Gardner Schumacher, afirmaba qu'ello yera incorreutu, y que Gardner nunca se llegó a divorcióse de Duncan C. Pell.[3][5]
↑ 1,01,1Afirmao en: Internet Broadway Database. Identificador de persona d'Internet Broadway Database: 41770. Apaez como: Helen Gardner. Data de consulta: 9 ochobre 2017. Llingua de la obra o nome: inglés.
