L'entamu de la carrera fízose tres del 'Safety car' dempués de 19 vueltes pola mor d'un bastiáu descomanáu d'agua. Ello prevocó delles salides de pista ya güelpes ente los coches. Ún d'ellos foi'l que-y dio Sebastian Vettel a Alonso, dexándolu ensin bona parte de la cadarma postrera-drecha del so coche (defleutor), fechu que fizo que l'asturianu sofriere dalgunes vueltes dempués una salida de pista y un espeutacular choque, que fizo necesaria la salida del 'SC'. La carrera terminó cola primera posición pa Hamilton, medrando a 12 la so ventaxa sobre l'asturianu. Kimi Räikkönen namái perdió dos puntos con respeutu a Hamilton, y amenorgó la diferencia respeutu a Alonso de once a tres puntos. L'otru pilotu de Ferrari, Felipe Massa, perdió matemáticamente toles posibilidaes de ganar el campeonatu de pilotos.
