Newbern en 2014
George Young Newbern (30 d'avientu de 1964, Little Rock) ye un actor d'Estaos Xuníos. Conózse-y polos sos papeles como Bryan Mackenzie n'El padre de la novia y la so secuela Vuelve'l padre de la novia o por ser Danny (el Yeti) en Friends. Tamién se-y conoz por poner la voz de Superman nes series La Lliga de la Xusticia y Justice League Unlimited, tamién por ser Nooj y Sephiroth en Final Fantasy y en Kingdom Hearts. Reconózse-y amás pola so apaición en Saw VI. En 1990 casóse cola actriz Marietta Ablaye, y tienen tres fíos, Emma, Mae y Ben.
Vida y carrera
Nacíu en Little Rock, Arkansas, ye fíu de Betty, una profesora d'español, y de David Newbern, un radiólogu. Empezó la so carrera como actor nel Arkansas Arts Center en Little Rock, col papel del hermanu menor en Life with father, basáu nes noveles autobiográfiques de Clarence S. Day Jr.. El so primer papel protagonista foi en Double Switch en 1987, adautación d'El príncipe y el méndigu que s'emitió como parte del Wonderful World of Disney. Newbern tuvo un papel recurrente como'l fíu de la diseñadora Julia Sugarbaker (Dixie Carter) na serie de 1990 Designing Women. Actuó tamién en series como Providence, Chicago Hope, Friends, Bull, CSI, Medium, Ente Pantasmes, Touched by an Angel, Criminal Minds y Ensin cita previa.
Encarnó a Neal Morris, el padre de Melissa Morris (Emily Osment), na película de Disney Channel de 2009, Rescatando a Pá, y tamién al astronauta del Apolo 14, Stuart Allen Roosa na miniserie De la Tierra a la Lluna de HBO.
Les sos actuaciones en películes inclúin, Aventures na gran ciudá (1987) xunto a Elisabeth Shue; Double Switch (1987); Switching Channels (1988) con Kathleen Turner, Burt Reynolds y Christopher Reeve; y n'El padre de la novia y Vuelve'l padre de la novia, con Steve Martin, Diane Keaton, Kimberly Williams-Paisley y Martin Short. En 2009 apaeció en Locker 13.
Superman
Como actor de doblaxe, Newbern destaca pol so papel como Superman nes series Descarga estática, La Lliga de la Xusticia y La Justice League Unlimited de la cadena Cartoon Network, reemplazando a Tim Daly. Newbern retomó'l so papel como Superman na quinta temporada de The Batman y nel episodiu final de la serie The Batman: Lost Heroes. Apocayá punxo voz a Superman en Superman/Shazam!: The Return of Black Adam y en Superman vs. The Elite.
Otros trabayos
La carrera de Newbern como actor de doblaxe, empezó en 1991, cola serie de dibuxos animaos Los Pirates de les Agües Negres, y con numberoses aportaciones en videoxuegos. En 2003, Newbern punxo voz a Mevyn Nooj en Final Fantsay X-2, causó tan bona impresión que consiguió poner voz a Sephiroth na versión inglesa de Kingdom Hearts II, remplazando a Lance Bass. Participó tamién en Final Fantasy VII Advent Children, Crisis Core: Final Fantasy VII, Dissidia: Final Fantasy y Dissidia 012 Final Fantasy. Más tarde apaeció na segunda temporada de Jericho, como'l Presidente de les Naciones Xuníes d'América. En 2009, unvió una muestra d'ADN al espaciu pa caltener el so xenoma. Newbern tamién narró los anuncios de Toyota pal modelu Prius de 2010, y encarnó a Harold en Saw VI.
Filmografía
Referencies
Enllaces esternos
.jpg)
