George Kennedy (18 de febreru de 1925, Nueva York – 28 de febreru de 2016, Middleton (es) )[5] foi un popular actor d'Estaos Xuníos, ganador d'un Premiu Óscar y recordáu pola so participación en relevantes películes y series de televisión.
Carrera
Ganó l'Óscar al meyor actor de repartu en 1968 por Cool Hand Luke, y yá en 1963 tuviera un papel en Charada, filme d'intriga con Cary Grant y Audrey Hepburn. en 1967 interpretó'l papel del mayor Max Ambruster na película bélica The Dirty Dozen
Nos años 70 interpretó'l papel de Joe Patroni na película Aeropuertu, según en delles de les sos remortines. Tamién participó n'otra película del xéneru de catástrofes, Earthquake, en 1974. Protagonizó amás la serie policiaca de televisión The Blue Knight.
Nos años 80 actuó na afamada serie Dallas y na película erótica Boleru, con Bo Derek y Ana Obregón. Nesa mesma década foi l'escoyíu pa interpretar el papel del capitán Ed Hockens (en llugar d'Alan North, quien yera l'actor encargáu d'interpretar al personaxe na serie) xunto con Leslie Nielsen nos filmes The Naked Gun: From the Files of Police Squad!, The Naked Gun 2½: The Smell of Fear y Gárralo como puedas 33⅓ o ¿ú el Policía? 33½. Tamién participó en dellos films, de los cualos el más destacáu ye Creepshow 2 de Michael Gornick y escrita por George A. Romero y Stephen King.
En 2002 diagnosticóse-y una apnea polo que tuvo que sometese a una dura operación tres los daños que lu causó al so corazón.
Continuó activu hasta pocu tiempu anantes de la so muerte, siendo los sos últimos papeles (Como actor de repartu) Llamando a les puertes del cielu (2005), Sands of Oblivion (2007), The Man who Came Back (2008) y The gambler (2014).
Premios
Referencies
Enllaces esternos