Ye una planta perenne qu'algama un tamañu d'hasta 0,6 m d'altor. Alcuéntrase en flor de xunu a xunetu. Les flores son hermafrodites (tien órganos masculinos y femeninos) y son polinizaes por babaróns, caparines.
Hábitat
Alcuéntrase nes camperes cascayoses, nos fondos de yerba de circos de monte, canchales y morrenes, ente los rododendros y nos montes de coníferes, tantu en piedra caliar como en roques ígnees.
Propiedaes
La especie ye una de les varies que son la fonte del raigañu de genciana melecinal. El raigañu de genciana tien una llarga historia d'usu como un amargu de yerbes nel tratamientu de trestornos dixestivos y ye un ingrediente de munchos melecines patentaes. Contién dalgunes de los compuestos más amargosos conocíos y utilízase como una base científica pa la midida del amargor. Ye especialmente útil n'estaos d'escosamientu d'una enfermedá crónica y en tolos casos de debilidá, la debilidá del sistema dixestivu y la falta de mambís. Ye unu de los meyores reforzantes del sistema humanu, aguiya'l fégadu, la vesícula y el sistema dixestivu, y ye un escelente tónicu pa combinar con un purgante con cuenta d'evitar los sos efeutos debilitantes.[1]
.jpg)
