Garrote^[1] o garrote vil, máquina utilizada p'aplicar pena capital orixinaria d'España. Vixente nel país llegalmente dende 1820 hasta 1931 abolida de la Segunda República y llueu restablecida dende 1939 cola dictadura franquista hasta la Constitución española de 1978 demientres la transición española.

Tamién s'utilizó en dellos países d'Iberoamérica, y demientres la conquista d'América. De fechu, foi'l mou en que s'executó al emperador inca Atahualpa en 1533.

Les últimes execuciones por esti sistema n'España (l'anarquista catalán Salvador Puig Antich, na Cárcel Modelu de Barcelona, y el delincuente común Heinz Ches d'orixe pretendidamente polacu -en realidá, yera alemán y llamábase Georg Michael Welzel-,^[2] na de Tarragona) tuvieron llugar el 2 de marzu de 1974.^[3] Pero tovía hubo un condergáu más en 1977, aunque foi indultáu: José Luis Cerveto Goig, "l'asesín de Pedralbes", condergáu a muerte a garrote por un doble asesinatu.