El so términu municipal tien una estensión de 34,43 km². Llinda pel oeste col términu de Torredelcampo, al sur con Xaén y parte del este. Pel norte y el restu del llau este llenda colos conceyos de Lahiguera, Villanueva de la Reina y Cazalilla. La so altitú ye de 432 msnm siendo'l so xentiliciu: fuerterreño.
Ta travesáu pela carretera provincial A-311 que xune la ciudá de Xaén (distante a 15 km) cola d'Andújar (a 27 km). Ye unu de los pocos conceyos de la provincia que solamente tien un nucleu de población.
Pertenez al Área Metropolitana de Xaén que ye una aglomeración urbana formada por 14 conceyos de la provincia.
Población
Olivares alredor del pueblu de Fuerte del Rey.
La población de Fuerte del Rey, referida al padrón aprobáu pol Conceyu Plenu na so sesión de 26 de marzu de 2008 con referencia a 1 de xineru de 2008, ye de 1.329 habitantes de los que 681 son homes y 648 son muyeres. Nel censu correspondiente al 1 de xineru de 2006 (Real Decretu 1358/2005, de 18 de payares), figuraben 1.267 habitantes de los que 639 yeren homes y 628 muyeres. (Fonte: Institutu Nacional d'Estadística).
De los distintos censos de población esistentes dende 1842 espréndese que los habitantes del conceyu foron creciendo hasta ser cuasi trés mil en 1950, momentu nel qu'empezaron a escayer de forma notable por cuenta de la fuerte emigración producida llegando a perder cuasi les dos terceres partes de la so población.
.jpg)
