La frontera ente Azerbaixán y Turquía ye'l llinderu internacional de 17.7 quilómetros que dixebra los territorios de Azerbaixán y Turquía. Ye una frontera fluvial, marcada pol ríu Ares, que forma tamién una parte de la frontera ente Azerbaixán ya Irán. La llende asítiase na parte suroriental de la provincia d'Iğdır del llau turcu y el noroeste de la República Autónoma de Naxçıvan pel llau azerbaixanu, siendo por tanto la frontera más curtia pa dambos países.[1]
Trazáu
El ríu Ares marca la frontera en tola so estensión. La tierra pela redolada ye plana y non desenvuelta, sacante una carretera de cuatro carriles y dos controles d'aduanes. L'asentamientu más cercanu ye'l pueblu de Sədərək, asitiáu aproximao 7 km al este del llau d'Azerbaixán, ente que l'asentamientu más cercanu al llau turcu ye'l pueblu d'Aralık, allugáu aproximao 28 km al noroeste.
Pasos
Namái hai unu en pasu de la frontera. La ponte de Umut lleva la D.080/M7 al traviés del ríu Ares. Dende 2012 el gobiernu turcu presentó planes pa un ferrocarril hasta Naxçıvan dende Turquía, pero nun se tomó nenguna aición.[2][3]
Ver tamién
Referencies
