PROFILPELAJAR.COM

Floyd Landis
Vida
Nacimientu	Farmersville (es) , 14 d'ochobre de 1975 (49 años)
Nacionalidá	Estaos Xuníos
Estudios
Estudios	Conestoga Valley High School (en)
Oficiu
Oficiu	ciclista
Trayeutoria
	Participante Vuelta a España ; Tour de Francia ; UCI America Tour 2009-2010 (es) (94.); 2002 UCI World Road Rankings (en) (190.); Q53844942 (63.); UCI ProTour 2005 (es) (76.) ;
Posición o especialidá	carrera per etapes; rodador (es) ; escalador (es)
	floydlandis.com…

Floyd Landis (14 d'ochobre de 1975, Farmersville ^(es) ) foi un ciclista d'Estaos Xuníos profesional dende 1999 hasta finales del 2010.

Biografía

Debut y primeros años

Debutó como profesional col equipu Mercury Pro Cycling Team en 1999. Esi añu foi terceru nel Tour de l'Avenir, y un añu dempués cuartu. Permaneció nel equipu hasta 2001.

Gregariu de Armstrong

Pa 2002 fichó pol US Postal empobináu por Johan Bruyneel y lideráu por Lance Armstrong. Nel añu del so debú nel equipu foi terceru na Tirrenu-Adriáticu en marzu y segundu na Dauphiné Libéré en xunu. Esi mesmu añu corrió per primer vegada'l Tour de Francia, siendo unu de los gregarios de Armstrong nuna carrera que ganó'l texanu per cuarta vegada consecutiva.

En 2003 y 2004 repitió como gregariu de Armstrong nel Tour de Francia. Na so última temporada nel equipu ganó la Vuelta al Algarve, onde amás de la xeneral llogró tamién un trunfu d'etapa.

Ascensu y cayida nel Phonak

Debú y progresión como líder

Para 2005 fichó pol Phonak suizu, convirtiéndose nel xefe de files d'una formación en reestructuración tres los escándalos de dopaxe protagonizaos na 2004 con Tyler Hamilton y Santi Pérez (dambos positivu por tresfusión homóloga), y que llevaron a la destitución d'Álvaro Pino como direutor, siendo sustituyíu por Juan Fernández. Landis foi esi añu novenu nun Tour de Francia ganáu per séptima vegada consecutiva por Lance Armstrong.

Escándalu nel Tour de Francia 2006

Antes de conocese'l positivu

En 2006 tuvo un bon entamu de temporada ganando la París-Niza, según el Tour de California y el Tour de Georgia. Darréu centró la so preparación nel Tour de Francia. Un día antes del entamu de la Grande Boucle fueron escluyíos de la carrera pola so implicación na Operación Puerto dellos corredores, incluyendo a dalgunos de los favoritos y rivales de Landis pa la xeneral: Jan Ullrich, Ivan Basso y Francisco Mancebo. La esclusión d'una mayoría de los sos compañeros d'equipu del Astaná por dichu motivu fizo que Alexander Vinokourov tampoco pudiera participar, a pesar de nun tar implicáu na trama. Estes ausencies, sumaes a la de Armstrong (retiráu voluntariamente tres el so séptimu trunfu), fixeron que la llucha pol maillot mariellu presentárase abierta ya incierta.

Landis xubió al podiu de los Campos Elíseos de París col maillot mariellu como ganador del Tour Francia, tres una exhibición na etapa con final en Morzine.

Positivu per testosterona

La Fecha d'entamu|27|xunetu|2006}} l'equipu Phonak confirma'l positivu de testosterona nel control antidopaxe de la decimoséptima etapa. Nella aventayó al qu'a lo postrero sería'l segundu clasificáu, l'español Óscar Pereiro, en más de siete minutos, etapa clave p'alzase cola victoria final. Nel so defensa, aduz primero que'l so cuerpu produz escesu de testosterona. Los analises determinaron, sicasí, que'l positivu yera por cuenta de testosterona sintética. Díes más tarde remana que-y dieron daqué -ensin él sabelo- que-y fixo dar positivu. Otres posibilidaes apuntaes pol ciclista son l'usu de cortisona p'aselar dolores -carez una mancadura de cadril-

Descalificación y sanción

El 20 de setiembre de 2007, Floyd Landis ye declaráu culpable del positivu del Tour 2006, polo que'l títulu de campeón recayó automáticamente en Óscar Pereiro.^[1]

Presuntu delitu informáticu

El 7 de payares de 2009 l'AFLD presentó una denuncia contra Floyd Landis y el so médicu y entrenador Arnie Baker por un posible delitu informáticu contra'l so llaboratoriu antidopaxe en Chatenay-Malabry. La AFLD denunciaba qu'intentaríen hackear el sistema informáticu de dichu llaboratoriu p'aportar al dossier de Landis y manipoliar dellos datos con oxetu de desacreditar al llaboratoriu de la AFLD, responsable de la detección del so positivu por testosterona nel Tour de Francia 2006. El TAS refugara'l recursu efectuáu pola defensa del corredor por posibles vicios de procedimientu per parte del llaboratoriu francés, confirmando la descalificación y sanción de Landis.

El xuez francés Thomas Cassuto, del Tribunal d'Alta Instancia de Nanterre, dictó una orde internacional de busca y captura contra Baker el 4 de payares de 2009. El 15 de febreru de 2010 Pierre Bordry, presidente de la AFLD, declaró al diariu L'Équipe que'l 28 de xineru el xuez confirmára-yos que dictara tamién una orde de busca y captura contra Landis, debiéndose dambes órdenes a que nengún de los dos presentárase ante'l xuez a pesar de ser convocaos.^[2]

Landis unvió un corréu electrónicu al diariu Los Angeles Times nel que negaba recibir notificación dalguna sobre una citación xudicial pol casu en cuestión.^[3]

Confesión

En mayu de 2010 el corredor unvió dellos e-mails a diverses instituciones de ciclismu, ente elles la Federación Estauxunidense y la Xunión Ciclista Internacional, según a antiguos patrocinadores, nos que confesaba que mientres años usó sistemáticamente productos dopantes, señalando amás nos mesmos a otros ciclistes estauxunidenses tales como David Zabriskie, George Hincapie, Levi Leipheimer o Lance Armstrong, como consumidores de la mesma de distintes sustancies dopantes y afirmando que fueron el mesmu Armstrong y el direutor deportivu del que daquella yera'l so equipu, el US Postal, Johan Bruyneel como les persones que lu introducieron nel usu de sustancies prohibíes.^[4]

Palmarés

2000

Tour de Poitou-Charentes
1 etapa del Tour de Langkawi

2004

Vuelta al Algarve, más 1 etapa

2005

1 etapa del Tour de Georgia

2006

París-Niza
Tour de Georgia, más 1 etapa
Tour de California, más 1 etapa
~~Tour de Francia, más 1 etapa~~

2010

1 etapa del Tour de Les Bahames

Equipos

Mercury (1999^[5]-2001)
- Mercury Cycling Team (1999)^[5]
- Mercury Cycling Team-Mannheim Auctions (2000)
- Mercury-Viatel (2001)
US Postal (2002-2004)
- US Postal Service (2002)
- US Postal Service presented by Berry Floor (2003-2004)
Phonak Hearing Systems (2005-2006)^[6]
OUCH (2009-2010)^[7]
- OUCH presented by Maxxis (2009)
- OUCH-Bahati Foundation (2010)^[7]