Florentino Álvarez Mesa y Arroyo (1846, Avilés – 14 d'ochobre de 1926, Avilés) foi un escritor, periodista y políticu lliberal asturianu. Foi l'alcalde d'Avilés dende 1891 hasta 1907, cuando se retiró na so finca de "El Caliero", en Pravia.
Biografía
Los sos primeros escritos apaecen nel 1886 nel periódicu El Eco de Avilés. Nel 1889 funda'l selmanal La Luz de Avilés que se publicar hasta'l 1890, nel que roblaba los sos escritos políticos d'enclín lliberal col seudónimo de "Fray Zurriago de Rondiella". Dempués funda El Diario de Avilés del que foi direutor hasta cuando'l periódicu sumió en 1914. Nel entetiempu collabora tamién colos periódicos llocales La Semana y El Veto roblándose col seudónimu de Blas. Fechaes dempués de 1907 son les sos Crónicas avilesinas que fueron publicaes na revista Asturias, de L'Habana.
El progresu d'Asturies: Añu III Númberu 614 - 1903 avientu 31
Foi Alcalde d'Avilés yá en 1891 y hasta 1907 ensin cuasi interrupciones, siendo partidariu del diputáu Julián García San Miguel y siguiendo la so derrota política al prevalecer n'Avilés el partíu de José María Pedregal precedida de la fundación del periódicu La Voz.
Familia
Casó con Carmen Menéndez-Valdes Muñiz. Del matrimoniu nacieron: Virgilio fináu en redol al 1908[2] por motivos políticos, Horacio, tamién l'escritor y abogáu lliberal secretariu municipal escoyíu'l 1 de mayu de 1908,[3] fináu de primeres de la Guerra Civil. Ye significativu que Florentino-yos dio a los sos fíos los nomes de dos escritores clásicos: Horacio y Virgilio. La so fía, Acacia (1874-1948), foi nuera de Teodoro Sainz Rueda (1835-1897) caderalgu y diputáu a les Cortes na Primer República Española, habiendo casáu col so fíu Teodoro Sainz Romillo (1865/66-1924) en 1895.
Florentino Álvarez Mesa morrió a los ochenta años el 14 ochobre del 1926.
