Nacíu en Buenos Aires, dexó los estudios por una carrera deportiva qu'incluyó la hípica, natación y boxéu, ganando dellos trofeos. La so bona forma física y la so cara engraciada abriéron-y les puertes del mundu del cine.
En 1942 yá yera una estrella nel ambiente cinematográficu arxentín. Integra en 1946 la llista de "L'Agrupación d'Actores Democráticos", en plenu gobiernu de Juan Domingo Perón. Mientres esta dómina filmó Dende los años 40 trunfó nel cine del so país natal gracies a títulos como "Navidá De Los Probes" (1947) de Manuel Romero, "Fuximientu" (1947) d'Ignacio Domínguez Riera o "Historia D'Una Mala Muyer" (1948), película empobinada por Luis Saslavsky.[3][4]
En 1951 robla un contratu de exclusividad cola compañía Metro-Goldwyn-Mayer y treslládase a Hollywood p'actuar en roles de "Latin Lover". Rodó The Merry Widow con Lana Turner y Dangerous When Wet con Esther Williams y Denise Darcel, magar la so compañía dexó que trabayara tamién cola rival Paramount en delles películes de clase B, más comerciales y de menor ambición artística, ente elles Jívaro (con Rhonda Fleming), Sangaree (en cine 3D) y The Diamond Queen. Nos dos últimes tuvo por pareya a Arlene Dahl, con quien depués se casó.
Debutó nos teatros de Broadway en 1957, cola obra Happy Hunting; foi nomáu al Premiu Tony pero foi ganáu por Rex Harrison nel so papel en My Fair Lady, que depués Harrison repitiría nel cine.
Lamas fíxose famosu na cultura popular vía'l personaxe "Fernando" desenvueltu por Billy Crystal en Saturday Night Live a mediaos de la década de 1980. El personaxe yera sobreactuado y esaxeráu, pero bien esitosu. Ej. en The Tonight Show Starring Johnny Carson.
