El faru de Vidíu[1] allúgase, nel cabu del mesmu nome, nel conceyu de Cuideiru (Asturies, España).
Construyóse nuna de les zones más peligroses de la costa asturiana depués de dellos naufraxos. La base del cabu u ta asentáu el faru ta furada pola nomada Cueva de la Iglesiona (namás puede entrase nella con baxamar).
Historia y carauterístiques
Ye'l caber faru construyíu hasta agora n'Asturies y ún de los más nuevos d'España, darreú que se construyó ente los años 1948 y 1950. Ye un complexu formáu pol faru y dos viviendes que sustituyó a l'antigua señal d'avisu. Ta asitiáu a 89 metros sobre'l nivel del mar. La linterna ta asitiada a 76 m sobre'l nivel mediu del mar y a 10 m d'altura respeuto del cabu. La señal lluminosa emite 4 destellos cada 20 segundos, con un algame de 35,8 milles con bon tiempu y 16 milles con burriana. Anguaño ye automáticu y acciónase remoto por téunicos de señales marítimes.[2]
Referencies
Bibliografía
- Menéndez Solar, Belén, Faros del litoral asturiano. Uviéu, Conseyería de Fomentu del Principáu d'Asturies, 1997.
- Sanz, Eduardo, Faros de Asturias. Xixón, Silverio Cañada Editor, 1990.
Enllaces esternos
