PROFILPELAJAR.COM

Esplosivu
	class of chemical substances by use (en)
	sustancia química, energetic material (en) y mercancía peligrosa (es)

Un esplosivu^[1] ye toa sustancia que por mor de dalguna causa esterna (roce, calor, percusión, etc) pasa a tresformase en gases; lliberando calor, presión o radiación nun tiempu muy curtio.

Hay munchos tipos d'esplosivos según la so composición química.

Cadarma compositiva de les sustancies esplosives

La clasificación de les sustancias esplosives d'estremaos tipos pue facese de munches menes, poro , hay tres formes principales ampliamente aceptaes: pola naturaleza, pola sensibilidá y pola so utilización. Más aún na clasificación que se-i da ye abengosu y ye frecuente topar tipoloxíes en base a grupu químicu funcional y a nomes comerciales cuando trátase d'amiestos de sustancies esplosives.

Sustancies esplosives pola naturaleza esplosiva

Deflagrantes

Son los esplosivos nos que la reación aniciase por mecanismos químicos tradicionales: activación termocinética. La velocidá d'estos nun supera la velocidá del soníu (medida nel mediu esplosivu, que siendo sólidu o llíquido, ye muy superior a la del aire). La llende del sonido asela la enerxía cedida por esti, asina que nun son muy potentes.

El so interés ye escasu: pirotecnia y dalgunes aplicaciones nes que se requieran baxa enerxía.

Nesta llinia, los propelentes son consideraos un subgrupu de los esplosivos deflragantes.

Detonantes

La reación nesti grupu autoabastécese por una onda de choque, supersónica (nel mediu que percuerre), qu'anicia'l esplosivu a midia qu'esta trescurre. Dada la alta velocidá de la reación son esplosivos muy potentes. Dientru d'esti grupu se pueden incluyir toles sustancies esplosives mencionaes darreu.

Sustancies esplosives pola sensibilidá

Primarios

Son aquelles sustancies que requieren cantidaes ínfimes d'enerxía p'activase. Son de gran peligrosidá y xeneralmente utilízanse flegmatizaos (insensibilizaos). La so potencia ye pequeña en comparanza colos demás grupos.

Triyoduro amónicu
Fulminatu de mercuriu
Fulminatu de plata
Azida de plomu o nitruru de plomu.
Azida de plata
Estifnatu de plomu o trinitroresorcinatu de plomu.
Hexanitratu de manitol

Secundarios

Respuenden al grupu más bayuroso, con enerxíes d'activación intermedies anque non estrictamente homoxénes. Les potencies son muy altes, asitiandose nel orden de los GW.

NitroglicerinaPersensible. Xeneralmente aplicase-y un desensibilizador.
Trilita o TNT
Hexóxeno, RDX Ciclonita (trinitrofenilmetilnitramina)
Pentrita, PT, PETN Tetranitrato de pentaeritrita
Ácido pícrico o TNP (Trinitrofenol)
Picrato amónicu
Tetranitrometano
Octóxeno o HMX (Ciclotetrametilentetranitramina)
Nitrocelulosa
Cloratita

Terciarios

Família encadarmada en unanimidá por NAFOS (nitratu d'amoniu/fuelóleu) a sabiendes de la so escomanada insensibilidá.

ANFO o NAFO en asturianu.

Sustancies esplosives por utilización

Emprimador

Aquel que tiene por oxetivu aniciar l'esplosivu secundariu. Suelen ser esplosivos d'alta sensibilidá (primarios) en combinación, d' acordies al impulsu requeriu: impautu, lléctricu o térmicu. Suelen ser nomaos detonadores al tar encartuchaos comercialmente.

Carga

Ye la masa base qu'esplotará y ye oxetu del diseñu de la voladura. El emprimador ye'l responsable d'aniciar la carga. Algunes sustancies pueden nun requerir aniciador: pólvora, nitroglicerina o pentrita inflamanse con cierta facilidá baxo la llama.

Multiplicador

De ralo en ralo la carga nun detona col emprimador, polo que se requier un esplosivu intermediu que seya sensible'l emprimador y a la par anicie la carga. De contino los nafos necesítanlo.

Sustancies esplosives entemecies

A menudu les sustancies faltan-yos algunes de les propiedaes pa facer la so función; por exemplu: la nitroglicerina ye muy inestable, el nitratu amónicu muy malu o l'estifnatu de plomu tendria de ser más sensible a la llama. Pa trescalar dichos problemas recúrrese a mezcles d'estos pa potenciar debilidades. Comercialmente conócense:

Dinamites

La dinamita ye un esplosivu compuestu por nitroglicerina y dióxidu de siliciu. Ye una mezcla escura y aceitosa'l tactu, considerada un esplosivu potente (comparau cola pólvora, el fulminatu de mercuriu y otros esplosivos mas febles).

Gomes

La Goma-2 ye un esplosivu del tipu dinamita de fabricación española pa uso industrial (sobre too na minería) pola Unión Española d'explosivos, S.A. (anguaño MAXAM). Comercializase al menos en dos variantes, la Goma-2 EC y la Goma-2 ECO. Foi utilizada pola banda terrorista ETA en atentaos fechos nes décades de los 80 y los 90.

Pulverulentes

NAFOS

El NAFO o ANFO, del inglés: Ammonium Nitrate - Fuel Oil, ye un esplosivu d'altu orden. Consiste nuna mezcla de nitratu d'amoniu y un combustible derivau del petroleu, desde gasolines a aceites de motor. Estes mezcles son muy utilizaes principalmente poles empreses mineres y de demolición, pol mor de que son muy segures, barates y los sos componentes pueden algamase con muncha facilidá. Les cantidaes de nitrato d'amoniu y combustible varíen según la llongitú de la cadena hidrocarbonada del combustible utilizau. Los porcentaxes van del 90% al 97% de nitratu d'amoniu y del 3% al 10% de combustible, por exemplu: 95% de nitratu d'amoniu y 5% de querosenu. L'usu d'un combustible insoluble n'agua fina cola principal torga del nitratu d'amoniu, y la so tendencia a absorber agua (higroscopía). Si amás se-y amesta polvu d'aluminiu l'ANFO conviértese nuna variedá aún más potente nomada ALANFO. Utilízase ampliamente nes voladures de llábanes de tipu mediu a blandu, bien seya metiendo-y nos barrenos el granulau per aciu del aire comprimiu o bien na so otra forma de presentación que ye encartuchau. Ye necesariu cebar fuertemente'l barrenu col detonador y cartuchu de goma nel fondu pa producir el so correutu funcionamientu, amás el so usu tá contraindicau nos barrenos con presencia d'agua, a nun ser que se use encartuchau. El ANFO ye vezu entemecelu con otros esplosivos como hidroxeles o emulsiones pa facer, en función del porcentaxe d'ANFO o ANFO Pesau (aproximao un 70% emulsión o hidroxel y 30% ANFO).

Hidroxeles

Emulsiones

Base trilita

Xuncidor plásticu

Esplosivos nucleares

Escomamadamente potentes, tán vetaos pal so usu comercial, namas utilízanlo los exércitos de países teucnolóxicamente desendolcaos.

El funcionamientu básicu d'estes bombes consiste na fisión o la fusión d'átomos. Hailos de dos tipos: Les que funcionen con Uraniu, que col sofitu d'un detonador o emprimador dixebra los sos átomos y moléculas, xenerando muchísimo calor y enerxía.

N'otra estaya, les bombes de fusión d'hidróxenu (conocida como bomba H), que básase na fusión de los átomos de la sustancia. Esta clas de bomba xenera muncha mas radiación que la cabera, y entá nun se probó nun combate real, a diferencia de la bomba d'Uraniu, llanzada en Hiroshima y Nagasaki nentantu'l fin de la segunda guerra mundial.