Erik Per Sullivan (12 de xunetu de 1991, Worcester) ye un actor d'Estaos Xuníos. Ye reconocíu por interpretar a Dewey na serie Malcolm in the Middle, y tamién por dar voz a Sheldon, el caballín de mar na película Finding Nemo.
Biografía
Sullivan nació en Worcester, Massachusetts, como únicu fíu de Fred y Ann Sullivan. El so padre ye propietariu d'un restorán mexicanu en Milford, Massachusetts llamáu The Alamo. La so madre nació en Suecia y naturalizóse ciudadana estauxunidense en 2007.
Sullivan fala suecu con fluidez y la so familia visita Suecia cuasi cada añu.[2] A temprana edá, empezó a estudiar pianu y saxofón. A los nueve años llogró una petrina negra en taekwondo.[3]
Sullivan estudió na Mount Saint Charles Academy en Woonsocket, Rhode Island, enantes de ser tresferíu a la Phillips Exeter Academy. Estudió na USC Universidá del Sur de California del 2009 al 2010.
Carrera
La so carrera empecipió en 1999 na película The Cider House Rules nel papel del neñu güérfanu Fuzzy Stone. Nel 2001 fixo del personaxe Joe Dirt de neñu na película del mesmu nome. Otru de los sos papeles inclúi al principal personaxe, un neñu, na película d'horror Respigu. Nel 2002 interpretó al únicu neñu na película Unfaithful.
Unu de los sos personaxes más recordaos ye'l de Dewey na serie de la cadena FOX Malcolm in the Middle.
Nel 2003 emprestó la so voz pa la película Finding Nemo, pal personaxe de Sheldon, el caballín de mar. Nel 2004 interpretó al personaxe de Spike na comedia Christmas with the Kranks.
Nel 2005, xunto con Jane Kaczmarek, co-escribió'l llibru infantil llamáu Together, que amuesa la importancia del ganáu nel mundu, y que foi inspiráu pola misión de la organización benéfica Heifer International.
Nel 2007 protagonizó la película independiente Mo.
Filmografía
Premios y nominaciones
| Añu
|
Trabayu nomáu
|
Categoría
|
Resultáu[5]
|
| 2003
|
Malcolm in the Middle
|
Choice TV Sidekick
|
Ganador
|
| 2002
|
Ganador
|
| 2001
|
Ganador
|
YoungStar Awards
| Añu
|
Trabayu nomáu
|
Categoría
|
Resultáu[5]
|
| 2000
|
Malcolm in the Middle
|
Meyor repartu - Televisión****
|
Ganador
|
- (***) Compartíu con Frankie Muniz, Justin Berfield, Craig Lamar Traylor y Christopher Masterson
- (****) Compartíu con Frankie Muniz, Justin Berfield y Christopher Masterson
Referencies
Enllaces esternos
