Lesothu ye un país pequeñu, montascosu, ensin salida al mar, probe y dafechu arrodiáu pel territoriu de Sudáfrica en que 3/4 de la so población vive en zones rurales y dedíquense a l'agricultura de subsistencia.[1] La so economía esta basada na agricultura, la ganadería, les manufactures, y los ingresos de los trabayadores emplegaos en Sudáfrica. La mayoría de les families subsisten cola agricultura o de la mano d'obra emigrante, principalmente de los mineros de Sudáfrica mientres 3 o 9 meses. Les tierres baxes occidentales son les mayor zona agrícola. Cuasi'l 50% de la población tien de llograr los sos ingresos de los cultivos o de la ganadería, cerca de dos tercios de los ingresos del país provienen del sector agrícola.
L'agua en Lesothu solo ye otru recursu bien importante. Ta siendo explotada dende hai 30 años, miles de billones de dólares ganaron col proyeutu (LHWP), que foi empecipiáu en 1986. El LHWP foi diseñáu pa prindar, almacenar y tresportar l'agua dende'l ríu Orange y unvialo a Sudáfrica y al área metropolitana de Johannesburgu, que cunta con una gran concentración de la industria sudafricana. Na realización del proyeutu, Lesothu tien de ser cuasi dafechu autosuficiente na producción de lletricidá y tamién llograr ingresos de la venta de lletricidá a Sudáfrica. El Bancu Mundial, Bancu Africanu de Desarrollu, Bancu Européu d'Inversiones y munchos otros donantes billaterales tán financiando'l proyeutu.
