Divisiones alministratives de Groenlandia dende'l 1 de xineru de 2009
Groenlandia ta dividida, dende'l 1 de xineru de 2009, en cuatro municipalidaes: Kujalleq, Qaasuitsup, Sermersooq y Qeqqata. Amás d'ellos, de los que podemos ver la so estensión, llocalización y población nos cuadros qu'acompañen esti artículu, hai dos zones que nun tán incorporaes a dengún condáu: la base aérea de Thule, asitiada nel territoriu del condáu de Qaasuitsup; y les tierres del Parque Nacional de Groenlandia del noreste.
Primero d'eso, el país dividíase en trés condaos (Kitaa/Vestgrønland o Groenlandia Occidental, Tunu/Østgrønland o Groenlandia Oriental y Avannaa/Nordgrønland o Groenlandia del Norte), qu'encuadraben les dieciocho municipalidaes que había nel país. D'estensión variable, recibían el nome del so nucleu más pobláu, y dexaron de tener entidá xurídica propia al facese esta nueva división del país.
