Renault/Dacia Logan ye una berlina compacta de baxu preciu diseñáu pola firma francesa d'automóviles Renault pa la su filial rumana Dacia cola denominación inicial de X90. La producción entamó en Rumanía nel 2004 y comercialízase dende entós embaxu la marca rumana Dacia, n'Europa y Norte d'África, y Renault, n'América.
N'orixe, el coche asoleyóse como modelu concebío pa países emerxentes, de baxu costu de mantenimientu, gran capacidá y con una mecánica enforma prebada n'anteriores modelos de Renault (Mégane y Clio). Poro, el Logan entamó a vendese n'Europa occidental (España, Francia y Alemaña) en xunu de 2005. Dende la su apaición, el Logan pasó a ensamblase tamién en Marruecos, Rusia y Colombia.
El Logan ye'l resultáu del proyeutu X90 anunciáu por Renault tres l'integración de la filial Dacia. Anunciose entós comu "el coche de los 5000 euros" pol oxetivu de preciu de venta fixáu pol fabricante francés. El preciu final na su presentación en 2004, per embargu, anduviera alrodiu los 6.000 euros na su versión básica y algamara los 10.000 nes sos presentaciones más completes.
.jpg)
