El so términu municipal ta formáu poles llocalidaes de Cordovilla y Quinta Florentina, ocupa una superficie total de 15,84 km² y según los datos demográficos recoyíos nel padrón municipal ellaboráu pol INE nel añu 2017, cuenta con una población de 134 habitantes.
Historia
Ilesia de Santiago
La so fundación remontase al reináu de Ramiro II de Lleón, que reconqusitó y repobló la llocalidá nel sieglu X. Nel sieglu XIII Cordovilla taba integrada nel cuartu de Villoria de la xurisdicción de Salamanca, dientro del Reinu de Lleón, denominándose entós Cordoviella.[4][5] Cola creación de les actuales provincies en 1833, Cordovilla quedó encuadrada na provincia de Salamanca, dientro de la Rexón Lleonesa.[6]
Xeografía
Asítiase al nordeste de la provincia de Salamanca, en plena submeseta norte. Nesta inmensa llanura de clima Mediterraneu-Continentalizado, les agües son escas, mientres tol añu, concentrándose estes nos meses de primavera y seronda (abril-mayu) y (setiembre-ochobre). La temperatura, son bien fríes mientres l'iviernu, con frecuentes xelaes y díes de trupa borrina, llegando a los -10ºC nes nueches más fríes, y xubiendo el termómetru hasta los 5º mientres el día. Los branos son curtios, pero calorosos, con grandes variaciones térmiques, llegando a los 40ºc en xunetu y agostu al mediu día, y cayendo mientres a la nueche a los 15/18ºc de media.
Servicios
Nesta población, escarécense de servicios básicos. Nun hai tiendes, bancos, llinia regular d'autobús, polo que los sos vecinos, dependen de la venta ambulante pa poder faese cola gran mayoría de bienes básicos, tales como pan, aceite, lleche, etc.
L'accesu a la educación de los más pequeños, ye posible gracies a un autobús, qu'acaldía, tresporta a los que tán n'edá escolar, al conceyu de Babilafuente, a solu 3Km, onde pueden cursar hasta'l Bachiller. Pal accesu a la sanidá, un médicu muévese
hasta esti pueblu un par de vegaes per selmana, pero pa urxencies, haber d'allegar hasta l'ambulatoriu del cercanu pueblu de Villoria, a 5Km, eso si, per una carretera pocu transitable, y pa quien nun disponen de como dir, pueden avisar al centru, y si les circunstancies dexanlo, l'equipu médicu allega dende esti centru a la so casa pa poder atender al paciente.
Economía
La economía d'esti pequeñu pueblu, básase mayoritariamente na agricultura, principalmente les ceberes (maíz y trigu principalmente) y tubérculos como la pataca y la remolacha. Esta agricultura de minifundios, ye rentable en parte a les ayudes europees. Estes ayudes, non solo subvencionen a l'agricultura, tamién se reciben fondos pal caltenimientu y el desenvolvimientu de la instalaciones locales.
La ganadería, ye residual, y otros sectores, como la construcción, la industria'l turismu, nun suelen emplegar a naide, más que de forma puntual.
Asina, el gráficu de población, amuesa un fuerte descensu de la mesma nos años 60, onde, cola llegada de la maquinaria y la industrialización, amenorgóse considerablemente la mano d'obra na agricultura, viéndose munchos de los sos habitantes obligaos a emigrar. Madrid y País Vascu mayoritariamente foi'l destín d'estos emigrantes, anque Cataluña y la Comunidad Valenciana, tamién foi un destín xeneralizáu pa quien partíen ensin cruciar nenguna frontera.
Otros, decidieron salir al estranxeru, pa estos, Francia y Suiza, fueron los llugares que mayor númberu de cordovillenses recibieron, anque Alemaña y Bélxica, tamién fueron llar d'estos homes, muyeres y neños.
Demografía
Casa consistorial
Gráfica d'evolución de Cordovilla ente 1900 y 2017
Nucleos de población
El conceyu estrémase
en dos nucleos de población, magar solo ta pobláu Cordovilla:[7]
Nucleu de población
Población
Cordovilla
132
Quinta Florentina
0
Fiestes patronales
Esisten dos feches a lo llargo del calendariu, onde Cordovilla ver de gala.
La primera, conocida como "les fiestes chiques" celébrase'l día 15 de mayu, festividá de San Isidro Llabrador, con poca repercusión fora del pueblu, y que se celebra, con una misa pa los católicos, y un posterior vinu y aperitivo al cargu de los llabradores pa tol que quiera asistir.
Yá entráu'l branu, los habitantes d'esti conceyu, celebren la festividá de Santiago apóstol, patrón de la población y de la so ilesia de principios de 1970.
típicu y esclusivu de la madrugada del 24 al 25 de xunetu ye "LA RONDA", onde los mozos del pueblu, puntuales a les 07:00, parten de les peñes a una Alamea de chopos a unos 300m del pueblu, onde xuben a los arboles, y en coyendo emprestáu'l remolque de dalgún vecín, cargar de cañes y, percuerren cada cai del pueblu, parando en cada ventana onde sepan que duerme dalguna moza soltera, y mientres canten "Clavelitos, clavelitos del mio corazón" déxen-y una o delles d'eses cañes na so ventana. Elles, estimoses, agasáyen-yos con embutíos, vinu, pastes, qu'una vegada rematada la ronda, los mozos, van comer como almuerzu. Asina, mientres tol día 25, el pueblu lluz decoráu con grandes cañes de chopu verdes al pasu de la procesión del apóstol.
Estes fiestes, de gran repercusión en tola contorna, sosprienden a propios y estraños, dau lo pequeño que ye'l pueblu, y la gran aceptación que tienen estes fiestes, allegando a elles xente, non solo de la contorna, si non de munchos puntos de la provincia. Nes nueches del 24 y el 25 de xunetu, la población de Cordovilla, puede pasar de los 120 habitantes censaos, a les 4000 persones qu'alleguen a esfrutar de les fiestes patronales.
Convirtióse yá en tradición, que'l día 26, a les 14:00 hores, tol pueblu axúntase al llau de les instalaciones deportives, o como dicen los paisanos (nel frontón de pelota) pa tastiar paella y sangría, cortesía, del conceyu, onde tol pueblu contribúi a la so ellaboración, y conviden a tastiala a quien esi día, deciden pasar la tarde colos habitantes del conceyu.
↑Llorente Maldonado, Antonio (1976). Centro de Estudios Salmantinos, ed. Las comarcas históricas y actuales de la provincia de Salamanca. p. 157. «La comarca de Las Villas podemos considerarla constituida por los municipios de Arabayona de Mógica, Villoruela, Villoria, Babilafuente, Moríñigo, Cordovilla, Encinas de Abajo, Huerta, Aldearrubia, San Morales y Aldealengua (páxina 130)».Llorente Maldonado, Antonio (1976). Centro de Estudios Salmantinos: Las comarcas históricas y actuales de la provincia de Salamanca (en castellanu), páx. 157. «La comarca de Las Villas podemos considerarla constituida por los municipios de Arabayona de Mógica, Villoruela, Villoria, Babilafuente, Moríñigo, Cordovilla, Encinas de Abajo, Huerta, Aldearrubia, San Morales y Aldealengua (páxina 130)»
↑Rodríguez Fernández, Justiniano (1998). Ramiro II. Rey de León. Burgos: Editorial La Olmeda. Páx. 94
↑Mínguez, José María (Coord.) (1997). Historia de Salamanca. II Edad Media. Salamanca: Centro de Estudios Salmantinos. Páx. 267
.svg)
