Pa esti tornéu, 119 seleiciones participaron nes rondes clasificatorias, algamando un nuevu récor históricu de participantes. D'éstos, 16 equipos participaron na fase final del tornéu, siendo estremaos en cuatro sistema de toos-contra-toos grupos de cuatro equipos mientres la primer fase y darréu van enfrentase nun sistema d'eliminación direuta nel que van participar los dos meyores equipos de cada grupu. Tres socesivos partíos, los dos finalistes enfrentáronse'l 30 de setiembre nel Estadiu Hongkou de Shanghai, onde Alemaña revalidó'l so títulu de campeona del mundu frente a Brasil con un marcador de 2-0.[1]
Los xugadores del equipu campeón, Alemaña, son recibíes en Frankfurt tres el tornéu.
El tornéu cuntó con 16 equipos participantes na so fase final. China, por ser país organizador, clasificó automáticamente mientres los restantes 15 participantes llograron el so cupu depués de ganar los torneos clasificatorios correspondientes a cada confederación continental. Europa cuntó con 5 cupos, trés tuvo Asia, mientres África, América del Norte y Suramérica cuntaron cada unu con dos; Oceanía llogró un cupu direutu y una última plaza foi apostada ente un representante de les confederaciones norteamericanu y asiáticu (onde Xapón ganó a Méxicu).
La UEFA, confederación europea, determinó que'l tornéu sirviría como eventu clasificatorio pa los Xuegos Olímpicos de 2008 pasando a dichu eventu los trés equipos con meyor rendimientu refugando a Inglaterra, que al nun ser miembru del Comité Olímpicu Internacional (siendo representada pol Reinu Xuníu) nun puede participar en dichu eventu.[2]
Los 16 equipos fueron darréu dixebraos en cuatro grupos en celebrando un sortéu realizáu'l 22 d'abril de 2007 en Wuhan. El país organizador y los campeones defensores, China y Alemaña, fueron designaes cabeces de serie de los grupos D y A respeutivamente; a elles sumáronse los dos equipos más altos na clasificación mundial femenina de marzu de 2007, Estaos Xuníos (1º) y Noruega (3º; el 2ᵘ llugar yera Alemaña). Los equipos fueron sorteaos de tala forma que nun hubieren equipos de la mesma confederación nel mesmu grupu, lo que provocó que nel Grupu B xuntárense trés de los cinco equipos meyor asitiaos na clasificación mundial publicada previa al tornéu: les estauxunidenses (1º), Suecia (3º) y Corea del Norte (5º) convirtiéndose asina nel denomináu grupu de la muerte.[3]
Cinco seleiciones europees participaron nel Mundial Femenín de 2007. Les trés meyores asitiaes, clasificaron en representación de la UEFA al tornéu femenín de los Xuegos Olímpicos de 2008.
Sicasí, Inglaterra nun podía xugar el tornéu por cuenta de que tenía que xugar el tornéu en representación del Reinu Xuníu, polo que decidió faese una repesca coles seleiciones que quedaron fora na fase de grupos.[4]
.svg)
