La cola o rabu ye l'estremu posterior del cuerpu d'un animal, especialmente cuando esta forma un apéndiz flexible y estremable del torso. Les coles son cuasi esclusives de los vertebraos; dalgunos invertebraos, sicasí, tienen apéndices similares a coles, como la del escorpión o la del colémbolo.
Pueden usase tamién pa señales sociales, como los venados pa indicar un posible peligru. Les distintes presiones evolutives llevaron a que s'anicien coles coles que puede atacase, dalgunes d'elles con venenu, como asocede colos escorpiones.
Dalgunos llagartos pueden soltar permanentemente la cola de ser necesariu, coles mires d'escapar d'un agarre o de distrayer a un depredador pol tiempu abondu. Xeneralmente la cola vuelve crecer col tiempu, cuasi siempres más escura que la orixinal.
Na mayoría de les aves, la cola ta conformada de plumes de mayor llargor, que la so función ye actuar de "timón" pa banciar y emponer al animal nel vuelu, y p'ayudar al equilibriu cuando se posen nes cañes.
Dalgunos mamíferos como les zarigüeyas tienen capacidá prensil, utilizándola en munchos casos pa tresportar el material col que construyir el nial.
Coles humanes
Los embrioneshumanos tienen una cola que mide cerca d'un sestu del tamañu del propiu embrión. Conforme ésti apuerta nun fetu, la cola ye absorbida pol cuerpu en crecedera. Esta cola ye, poro, una estructura vestigial de los humanos; un atavismo. En rares ocasiones nacen neños con "coles blandes" que nun contienen vértebres, namái vasos sanguíneos, músculos, y nervios; hai sicasí pocoñín de casos documentaos de coles con cartílagu o hasta cinco vértebres. Anguaño los médicos pueden esaniciar una cola al momentu de la nacencia.
La cola humana más llarga de la que se tenga rexistru pertenecía a un rapazu de doce años na entós Indochina Francesa, y midía 229 mm (nueve pulgaes).[1]
Los seres humanos tienen un güesu caudal (el cóccix) pegáu a la maxana, nel mesmu llugar onde otros mamíferos tienen cola. Esti güesu ta formáu de vértebres fundíes, usualmente cuatro, a la fin de la columna vertebral y nun sobresal externamente, anque sí caltién un propósitu anatómicu: sirvir de sostén para músculos como'l gluteu mayor.
