Clea Helen D'Etienne DuVall (25 de setiembre de 1977, Los Angeles) ye una actriz d'Estaos Xuníos, conocida poles sos interpretaciones en películes fora de la cultura comercial.
DuVall nació en Los Angeles, California, Estaos Xuníos. Ye fía única de Rosemary Hatch y Stephen DuVall. Los sos padres divorciáronse cuando tenía doce años. Dempués de que la so madre casar por segunda vegada, DuVall dexó l'institutu y camudóse al so propiu apartamentu.[2]
Gustáben-y les películes y los programes de televisión y memorizaba escenes enteres. Asina, DuVall decidió que quería ser actriz ya inscribióse nel High School of the Arts de Los Angeles County. Mentanto, trabayaba pa pagar los sos propios gastos.[2]
Magar compartir el mesmu apellíu, DuVall nun ye familia de los actores Robert Duvall o Shelley Duvall.[3]
Trayeutoria profesional
Antes del so debú en Little Witches, trabayó nuna cafetería. Dar a conocer definitivamente con The Faculty, de Robert Rodríguez (1998), xunto a Elijah Wood y Josh Hartnett. A esi papel siguiéronlu otros en Girl, Interrupted, La muyer del astronauta, She's All That, But I'm a Cheerleader, Pantasmes de Marte y Thirteen Conversations About One Thing.
Tres la so apaición en The Laramie Project, Identidá y la nomada al Oscar 21 gramos, DuVall realizó un papel protagonista na serie de HBO Carnivàle, ganadora d'un premiu Emmy, que foi producida de 2003 a 2005. Mientres esti tiempu, tamién fixo un papel principal en Helter Skelter (pol que consiguió una nominación a los Satellite Awards) y en The Grudge, de Sam Raimi, xunto a Sarah Michelle Gellar.
Los sos últimos proyeutos fueron les películes Itty Bitty Titty Committee y Zodiac de David Fincher. Tamién interpretó a un personaxe recurrente na serie de televisión Heroes. Tamién la vio xunto a Anne Hathaway en Passengers, de Rodrigo García..
DuVall tamién apaeció nun curtiumetraxe llamáu It's Not Easy Being Green coles actrices Leisha Hailey y Carla Gallu.[4]
Filmografía
Películes
Televisión
Premios
Premios ganaos
Referencies