Guldbrandsen empezó a cantar a los 3 años nun coru. Guldbrandsen foi afayada a los 13 por Kjetil Fluge. En 2000, cuando Guldbrandsen tenía 15, cantó nel "Kulturbyåpningen" en Bergen. Ente'l públicu taba la Sony Music Entertainment. Tres l'actuación la Sony Music dio a Guldbrandsen el so primer contratu discográficu. Trabayó con Kjetil Fluge, Atle Halstensen y Erlend Fauske nel estudiu Sounds Familiar de Bergen. En 2001, con 16, Christine escribió la lletra del cantar "Fly Away", escrita n'alcordanza del so padre fináu esi añu.
N'avientu de 2004, Christine Guldbrandsen, tres cuasi un añu de trabayu, llanzó un segundu álbum tituláu Moments que foi llamáu "El difícil segundu álbum de Christine Guldbrandsen", poles continues revisiones. Aun así, entró nes llistes d'ésitos noruegues VG-llista Topp 40.[2]
Festival d'Eurovisión
En 2006 Christine representó a Noruega nel Festival del Cantar d'Eurovisión 2006, que se celebró n'Atenes, en ganando'l Melodi Grand Prix. El cantar qu'interpretó foi Alvedansen (La danza de los elfos), yera un cantar inspiráu nel folclor nórdicu. Foi cantada en noruegu, y trataba d'una elfa que convidaba a baillar a quien la escuchaba. Con esti cantar consiguió la 14ª posición.[3]
Carrera posterior
En 2007, llanzó'l so tercer álbum, Christine y en 2008 actuó en Los miserables como Cosette en Bergen, en 100 representaciones, collechando un gran ésitu. En 2011 llanzó'l so cuartu álbum, tituláu "Colors".
.jpg)
