Les Contornes centrales (en catalán y oficialmente Comarques Centrals) ye una rexón de Cataluña (España) definida como unu de los ocho ámbitos funcionales territoriales del Plan territorial xeneral de Cataluña. Inclúi les contornes en redol a los tramos altu y mediu de los ríos Llobregat y Ter: el Bages, el Berguedà, el Lluçanès, el Moianès, el Solsonès, Osona y el norte de la contorna d'Anoia. Tien una estensión de 4745,83 km² y una población de 398 767 habitantes.^[1]

Les poblaciones más importantes son Manresa y Vic. La economía ye bien diversificada, magar tradicionalmente tuvo un pesu importante l'agricultura y la industria.

Nel informe Roca ye una de les vegueríes propuestes col nome de Cataluña Central y cola inclusión de la Baxa Cerdaña y como veguería central nel anteproyectu de Llei de la organización veguerial de Cataluña.

Con tou, hai quien considera que Osona y el Ripollès formen una unidá funcional propia (Altu Ter), el Ripollès foi incluyíu dientro de les Contornes gironines, ente que Osona foi incluyida na Cataluña Central.