Carmen Amaya (2 de payares de 1918, Somorrostro (es) 
– 19 de payares de 1963, Begur) foi una baillarina y cantante de flamencu. Nacida nel desapaecíu barriu del Somorrostro de Barcelona, de familia xitana y fía de guitarrista flamencu. Debutó nel flamencu con namái seis años acompañando al so padre en llocales públicos de Barcelona. Bailló dende mui moza con reconocíes figures como Raquel Meller o Carlos Montoya.[4]
Trabayó en delles películes, ente les que destaquen: La hija de Juan Simón (1934), María de la O (1935-36) de Francisco Elías y La Casa de Troya (1936) de Joan Vilà i Vilamala y Adolfo Aznar. La luna enamorada del español José Díaz Morales (1945), Los Tarantos (1963) de Rovira i Beleta. Tamién con diferentes direutores como Nemesio A. Sobrevila, José Luis Sáenz de Heredia o Luis Buñuel.
Formó'l Trío Amaya colos sos padres y hermanos y trunfó como baillarina a Lisboa y Buenos Aires. L'añu 1951 va casase col so guitarrista, Juan Antonio Agüero. La creación Bolero de Ravel foi unu de los sos meyores espeutáculos onde destaquen les sos contorsiones y la dureza d'espresión de rostru y de cuerpu.[5]
Filmografia
Bibliografía
- Bois, Mario (1994). Carmen Amaya o la danza del fuego. Madrid: Espasa Calpe.
- Hidalgo Gómez, Francisco (2010). Carmen Amaya. La biografía. Barcelona: Ediciones Carena.
- Madridejos Mora, Montserrat (2012). El flamenco en la Barcelona de la Exposición Internacional (1929-1930). Barcelona: Edicions Bellaterra.
- Madridejos Mora, Montserrat y David Pérez Merinero (2013), Carmen Amaya. Barcelona: Edicions Bellaterra.
- Montañés, Salvador (1963). Carmen Amaya. La bailaora genial. Barcelona: Ediciones G.P.
- Pujol Baulenas, Jordi y Carlos García de Olalla (2003). Carmen Amaya. El mar me enseñó a bailar. Barcelona: Almendra Music.
- Sevilla, Paco (1999). Queen of the gypsies. The Life and legend of Carmen Amaya. San Diego, EE.UU: Sevilla Press.
- Suplement 1959-60, páx. 138 de l'enciclopèdia Espasa
Referencies
Enllaces esternos
