Carl Jakob Sundevall (22 d'ochobre de 1801, Ystads – 2 de febreru de 1875, Estocolmu) foi un zoólogu suecu. Sundevall estudió na Universidá de Lund, onde llogró un doctoráu en 1823. En viaxando al este d'Asia, estudió Medicina y graduóse en 1830.
Foi emplegáu del Muséu Suecu d'Historia Natural, en Estocolmu, dende 1833 y foi profesor y curió de la seición de los vertebraos dende 1839 a 1871. Escribió'l llibru Svenska Foglarna (1856-87), nel que describió 238 especies d'aves reparaes en Suecia. Clasificó numberosos páxaros topaos n'África por Johan August Wahlberg. En 1835, desenvolvió una filoxenia pa les aves basada nos músculos de la cintura y les pates que contribuyó al trabayu posterior de Thomas Huxley. Depués, siguió esaminando los fondos tendones proximales nes pates de les aves. Esta información sigue siendo utilizada polos taxónomos dedicaos a la ornitoloxía. Sudevall foi tamién un entomólogu y aracnólogu y en 1862 escribió una monografía onde proponía un alfabetu fonéticu universal, Om phonetiska bokstäver.
Otres obres
- Lärobok i zoologien, 1835
- Handatlas till lärobok i zoologien, 1843
- Methodisk öfversigt af idislande djuren, Linnés Pecora (Methodische Übersicht wiederkäuender Tiere, Linnés Pecora), 1844–1845
- Conspectus avium picinarum, 1866
- Methodi naturalis avium disponendarum tentamen, 1872
Referencies
- Anonymous 1875 [Sundevall, C. J.] Journ. Ornith. 23 214-215.
- Anonymous 1875 [Sundevall, C. J.] J. Zool. 4 61
- Areschoug, J. Y. 1879 Minnesteckning öfver C. J. Sundevall. Estocolmo *Bonnet,
P. 1945 Bibliographia Araneorum. Toulouse
Abreviatura (zooloxía)
L'abreviatura Sundevall emplégase pa indicar a Carl Jakob Sundevall como autoridá na descripción y taxonomía en zooloxía.
Referencies
- ↑ 1,0 1,1 1,2 Afirmao en: autoridaes BNF. Identificador BnF: 13549256m. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
Enllaces esternos
