Los cabildros, formaos a partir de la Llei de Cabildros de 1912, son les formes gubernatives y alministratives propies de les Islles Canaries (España).
Los Cabildros aguardaron pa constituyise a que tuvieren escoyíos los Delegáu del Gobiernu Delegaos del Gobiernu en caúna de les islles, una vegada escoyíos esto determinó que fora'l 16 de marzu de 1913 nel que quedaren constituyíes toles Corporaciones con esceición de la d'El Hierro que quedó pendiente hasta ser creáu'l conceyu de Frontera.
Cumplen dos funciones principalmente. Per una parte, empresten servicios y exercen competencies propies de la Comunidá Autónoma y por otra, son la entidá llocal que gobierna la isla.
Nes eleiciones de 2003 salió escoyíu como presidente Tomás Padrón Hernández, d'Agrupación Herreña Independiente - Coalición Canaria, 49,66% de los votos, siguida del PSOE con un 20,3%. Nes eleiciones de 2007 AHI-CC volvió llograr mayoría absoluta y de nuevu foi escoyíu Tomás Padrón Hernández presidente de la entidá. Nes eleiciones municipales de 2011, volvió ganar AHI-CC, pero esta vegada con mayoría relativa. Sicasí, por cuenta de la inesistencia de pactos eleutorales, producióse la invistidura de Belén Allende Riera (AHI-CC), como nueva presidenta del Cabildru Insular. Coles mesmes, asítiase'l PSC-PSOE como'l principal partíu de la oposición con Alpidio Armes al frente, siguíu del PP de Atilano Morales.
El 10 de setiembre de 2011 celebróse un plenu estraordinariu por cuenta de una moción de censura a la nacionalista Belén Allende, per parte de los 5 conseyeros socialistes y los 2 populares. Magar que el día anterior, los 5 conseyeros socialistes fueren espulsaos del partíu por desobedecer les directrices marcaes pola Executiva Rexonal del PSOE, el plenu tuvo lugar gracies al respaldu del presidente de la Mesa d'Edá, Atilano Morales (conseyeru con mayor edá).
Tres el recuentu de la votación del plenu, ganó Alpidio Arma González por 7 votos a favor y 6 en contra, polo que nesi mesmu momentu, xuró'l cargu como nuevu Presidente del Cabildru Insular herreño.
La sede del cabildru ta asitiada na llocalidá de Valverde.
Llista de presidentes
Referencies
Enllaces esternos
.svg)
