El Blue Cross Arena, tamién conocíu orixinalmente como Rochester Community War Memorial y popularmente War Memorial, ye un pabellón multiusos asitiáu en Rochester, Nueva York. Tien una capacidá pa 12.428 espectadores nel baloncestu y 10.669 en ḥoquei sobre xelu y lacrosse, y foi inauguráu en 1955. Foi la sede de los Rochester Royals de la NBA ente 1955 1956.
Historia
Orixinalmente denomináu Rochester Community War Memorial, l'estadiu abrió les sos puertes el 18 d'ochobre de 1955. L'edificiu incluyía un escenariu completu nel estremu sur y una sala d'esposiciones asitiada en llantar suétanu.
El 13 de marzu de 1986 empezaron les obres de remodelación del estadiu, con una inversión de 41 millones de dólares, qu'esaniciaron l'escenariu permanente, creando una grada qu'arrodia tol terrén de xuegu. El 24 de xunetu de 1998, camúdase'l nobre pol actual Blue Cross Arena por motivos de patrociniu, reinaugurándose el 18 de setiembre d'esi mesmu añu.[1]
