| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Bandera de Somalia}} ~~~~ |
La bandera de Somalia foi adoptada'l 12 d'ochobre de 1954. Consiste nun pañu de color azul claru nel que figura, na so parte central, una estrella de cinco puntes de color blanco.
La bandera de Somalia foi diseñada por Mohammed Awale Liban. Esta bandera tuvo prevista pa ser emplegada na Somalilandia Británica pero al producise la xunión cola Somalilandia Italiana esta enseña emplegóse nel nuevu estáu. Ye del mesmu color que la emplegada poles Naciones Xuníes yá que se decidió ufrir una reconocencia a la organización internacional pola aída emprestada nel so procesu d'independencia respeutu a Italia.
Les cinco puntes de la estrella blanca simbolicen les cinco árees habitaes por somalinos: Somalilandia Británica, Somalilandia Italiana Somalilandia Francesa (Djibouti), Ogaden (n'Etiopía) y el Distritu de la Llende Septentrional de Kenia.
Otres banderes de Somalia
Cola cayida de la monarquía en 1975 el gobiernu de Somalia aprovecho la desorganización esistente y la guerra d'Eritrea pa sofitar un movimientu pola independencia de la parte Oriental d'Etiopía (Ogaden) y la so posterior xunión a Somalia. El movimientu fracasó gracies a l'aida militar soviética y cubana a Etiopía. Dirixó la llucha'l Frente de Lliberación de Somalia Occidental organización que tien una bandera verde y bermeya en dos franxes verticales: el verde ye'l color de los musulmanes (que son mayoritarios ente los somalinos) y el bermeyu ye pol sangre derramao; la estrella simboliza al pueblo. Emplegáronse variantes de la bandera n'horizontal. Estrechamente venceyáu a esta organización taba'l Frente de Lliberación de Somalia-Abo, que constituyía ún de los frentes militares, la so bandera destremábase por un triangulu azul claru na parte del asta.
-
Bandera del estáu federáu de los Somalinos
-
Bandera del Frente de Lliberación de Somalia Occidental 1975-1976
-
Bandera del Frente de Lliberación de Somalia Occidental 1976
-
Bandera del Frente de Lliberación de Somalia Occidental 1976, variante
-
Bandera del Frente de Lliberación de Somalia-Abo 1976
Ver tamién
Referencies
Enllaces esternos
.svg)
